തിരുവനന്തപുരം: സംസ്ഥാനത്ത് അധ്യായന വർഷം ജൂൺ ഒന്നിന് തന്നെ അധ്യായന വർഷം ആരംഭിക്കാൻ ധാരണ. വിദ്യാഭ്യാസ മന്ത്രിയായി ചുമതലയേറ്റതിന് ശേഷം ഉന്നത ഉദ്യോഗസ്ഥരുമായി നടത്തിയ ചർച്ചയിലാണ് തീരുമാനം. കോവിഡ് വ്യാപനത്തെ തുടർന്ന് സ്കൂളുകൾ തുറക്കാൻ കഴിയാത്ത സാഹചര്യത്തിൽ വിക്ടേഴ്സ് ചാനൽ വഴി പുതിയ അധ്യായന വർഷം ആരംഭിക്കാനാണ് ധാരണ.
കെറ്റ് സമർപ്പിച്ചിരിക്കുന്ന ശുപാർശകൾ കൂടി പരിഗണിച്ചാവും തുടർ നടപടികൾ. ഡിജിറ്റൽ ക്ലാസുകളുടെ ഗുണഫലം ലഭിക്കാത്ത വിദ്യാർഥികൾ ഉണ്ടെങ്കിൽ അവരെ കണ്ടെത്തി പരിഹാരം കാണണം എന്ന് മന്ത്രി നിർദേശിച്ചു. വിക്ടേഴ്സ് ചാനലിലെ ക്ലാസിന് പുറമെ 10, 12 ക്ലാസുകളിലെ അധ്യാപകർ സ്കൂൾ തലത്തിൽ ഓൺലൈൻ ക്ലാസ് നൽകണം എന്ന് നിർദേശവും പരിഗണനയിലുണ്ട്.
കഴിഞ്ഞ വർഷത്തെ ഓൺലൈൻ ക്ലാസുകളുടെ ഫലപ്രാപ്തി വിലയിരുത്തും. നിലവിലെ സാഹചര്യത്തിൽ ഓൺലൈൻ ക്ലാസുകൾ തുടരുക മാത്രമേ നിർവാഹമുള്ളെന്ന് മുഖ്യമന്ത്രി വ്യക്തമാക്കിയിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
