പ്രതിപക്ഷ നേതാവായി തെരഞ്ഞെടുക്കപ്പെട്ട വി ഡി സതീശന്റെ ചോര ഡിവൈഎഫ്ഐ, എസ്എഫ്ഐ ഗുണ്ടകള് കൊതിക്കുന്ന ചോരയാണെന്ന് കൊടിക്കുന്നില് സുരേഷ്. സതീശന് ആശംസകള് നേര്ന്നുകൊണ്ടുള്ള ഫെയ്സ്ബുക്ക് പോസ്റ്റിലാണ് കൊടിക്കുന്നില് സുരേഷിന്റെ ആരോപണം. സതീശന്റെ ഫ്ലക്സ് ഡിവൈഎഫ്ഐ പ്രവര്ത്തകര് നശിപ്പിക്കുന്ന ചിത്രം പങ്കുവച്ചുകൊണ്ടാണ് സുരേഷിന്റെ കുറിപ്പ്. സോളാര് സമര സമയത്ത് സതീശന്റെ ഫ്ലക്സ് കീറുന്നതാണ് ചിത്രം.
കൊടിക്കുന്നില് സുരേഷിന്റെ പോസ്റ്റ് ഇങ്ങനെ
'ഐശ്വര്യകേരളത്തിനായി തുടങ്ങിവെച്ച യാത്ര തളര്ച്ചയില്ലാതെ നമ്മള് ലക്ഷ്യത്തിലെത്തിക്കുക തന്നെ ചെയ്യും..സംഘടിതമായി, സുശക്തമായി ഓരോ യുഡിഎഫ് പ്രവര്ത്തകനും ഒപ്പമുണ്ടാകും..പ്രതിസന്ധികളെ പുഞ്ചിരിയോടെ നേരിടുന്ന, വെറുപ്പിന്റെ രാഷ്ട്രീയത്തെ സ്നേഹം കൊണ്ട് കീഴ്പ്പെടുത്തുന്ന പ്രിയപ്പെട്ട സഹപ്രവര്ത്തകന്..ഈ ജനതയുടെ നായകന്, കേരളത്തിന്റെ പ്രതിപക്ഷ നേതാവ് വിഡി സതീശന് അഭിനന്ദനങ്ങള്...
വരാനിരിക്കുന്ന സമരവസന്തങ്ങള്ക്ക് അഭിവാദ്യങ്ങള്..
എസ്എഫ്ഐ, ഡിവൈഎഫ്ഐ ഗുണ്ടകള് മുമ്പ് വിഡി സതീശന്റെ ഫ്ളക്സിനോട് കാണിക്കുന്ന അതിക്രമത്തിന്റെ ഫോട്ടോയാണ്. അവര് പണ്ടുമുതല് കൊതിക്കുന്ന ചോരയാണ്. ഇനിയാ കൊതി കൂടും.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ