കണ്ണൂർ: ദേശീയ ചലച്ചിത്ര പുരസ്കാരം നേടിയ ‘ആദാമിന്റെ മകൻ അബു’ എന്ന സിനിമയിലെ നായക കഥാപാത്രത്തിന് അവലംബം ആയ പാലോട്ടുപള്ളി ഹസൻമുക്കിലെ കെപി അബൂട്ടി (89) അന്തരിച്ചു. ഇന്നലെ രാവിലെയായിരുന്നു അന്ത്യം. അത്തർ കച്ചവടക്കാരനായിരുന്നു.
സലിം അഹമ്മദ് സംവിധാനം ചെയ്ത ചിത്രത്തിൽ ഇദ്ദേഹത്തിന്റെ ജീവിത രീതികളാണ് നടൻ സലിം കുമാർ അവതരിപ്പിച്ചത്. ഈ ചിത്രത്തിലെ വേഷത്തിന് സലീം കുമാറിന് മികച്ച നടനുള്ള 2010ലെ ദേശീയ പുരസ്കാരം ലഭിച്ചു.
ഭാര്യ: കെ.കെ.സുബൈദ. മക്കൾ: മുഹമ്മദലി ശിഹാബ് (മസ്കറ്റ്), ഷമ്മാസ്, സുമയ്യ. മരുമകൻ: മുനീർ. കബറടക്കം നടത്തി.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ