മലപ്പുറം: മലപ്പുറ വണ്ടൂരിൽ ഫുട്ബോൾ മത്സരത്തിനിടെ താൽകാലിക ഗാലറി തകർന്ന് വീണ് അപകടം. നൂറ് കണക്കിന് കാണികൾ തിങ്ങിനിറഞ്ഞിരുന്ന ഗാലറിയാണ് തകർന്നുവീണത്. അപകടത്തിൽ നാൽപതോളം പേർക്ക് പരിക്കേറ്റിട്ടുണ്ട്.
സെവൻസ് ഫുട്ബോൾ ഫൈനൽ മത്സരം തുടങ്ങുന്നതിന് തൊട്ടുമുൻപാണ് അപകടമുണ്ടായത്. പരിക്കേറ്റവരെ വണ്ടൂരിലെയും നിലമ്പൂരിലെയും ആശുപത്രിയിലേക്ക് മാറ്റി. ആരുടെയും പരിക്ക് ഗുരുതരമല്ലെന്നാണ് പ്രാഥമിക റിപ്പോർട്ടുകൾ. രണ്ട് ദിവസമായി പ്രദേശത്ത് ശക്തമായ മഴ പെയ്തിരുന്നെന്നും ഇതാണ് ഗാലറി തകരാൻ കാരണമെന്നുമാണ് നിഗമനം.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
