കൊച്ചി: പ്രസിദ്ധ കർണാടക സംഗീതജ്ഞൻ മാവേലിക്കര പി സുബ്രഹ്മണ്യം (66) അന്തരിച്ചു. അർബുദ രോഗത്തെ തുടർന്ന് മാസങ്ങളായി ചികിത്സയിലായിരുന്നു. എറണാകുളം തൃപ്പൂണിത്തുറ സ്വദേശിയാണ്. 2015ൽ കേരള സംഗീത നാടക അക്കാദമി പുരസ്കാരവും 2021ൽ കേരള സംഗീത നാടക അക്കാദമിയുടെ ഗുരുപൂജ പുരസ്കാരവും നേടി.
ചെറിയ പ്രായത്തിൽ തന്നെ കച്ചേരികൾ നടത്തി ശ്രദ്ധേയനായ വ്യക്തിയാണ് പി സുബ്രഹ്മണ്യം. തിരുവനന്തപുരം ശ്രീ സ്വാതി തിരുന്നാൾ കോളജിൽ നിന്നു ഗാനഭൂഷണം ഫസ്റ്റ് ക്ലാസോടെയും ഗാനപ്രവീണ ഒന്നാം റാങ്കോടും പാസായി.
കേരളത്തിലും ഇന്ത്യയിലുമായി നിരവധി വേദികളിൽ കച്ചേരികൾ അവതരിപ്പിച്ചിട്ടുണ്ട്. തൃപ്പൂണിത്തുറ ആർഎൽവി കോളജിൽ സംഗീത അധ്യാപകനായിരുന്നു.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ