പെരുമ്പാവൂർ: കാട്ടാനയെ തുരത്തുന്നതിനിടയിൽ പടക്കം പൊട്ടിയുണ്ടായ അപകടത്തിൽ ഫോറസ്റ്റ് വാച്ചറുടെ കൈപ്പത്തി മുറിച്ചു മാറ്റി. മേക്കപ്പാല ഫോറസ്റ്റ് സ്റ്റേഷനിലെ താൽക്കാലിക ആന വാച്ചർ പി കെ സുബ്രഹ്മണ്യൻ (51)ന്റെ കയ്യിനാണ്‌
ഗുരുതരമായി പരിക്കേറ്റത്.
പടക്കം പൊട്ടി പരിക്കേറ്റ് കൈവിരലുകൾ അറ്റു തൂങ്ങിയ നിലയിലാണ് സുബ്രഹ്മണ്യനെ കൊച്ചിയിലെ സ്വകാര്യ ആശുപത്രിയിൽ പ്രവേശിപ്പിച്ചത്. തുന്നിച്ചേർക്കാനുളള ശ്രമം വിജയിക്കാതായതോടെ വെള്ളിയാഴ്ചയോടെ കൈപ്പത്തി മുറിച്ചു മാറ്റി.
വ്യാഴാഴ്ച വൈകുന്നേരം ആറ് മണിയോടെയാണ് സംഭവം. കണ്ണക്കട ഭാഗത്ത് വനത്തിൽ നിന്ന് നാട്ടിലിറങ്ങിയ ആനയെ പടക്കം പൊട്ടിച്ചു തുരത്താൻ ശ്രമിക്കുമ്പോഴാണ് പരിക്കേറ്റത്. 7 വർഷമായി വനംവകുപ്പിൽ താൽക്കാലിക വാച്ചറായി ജോലി ചെയ്യുകയാണ് സുബ്രഹ്മണ്യൻ.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
