ഷാറൂഖ് വാങ്ങിയത് നാലു ലിറ്റര് പെട്രോള്, ഷൊര്ണൂര് സ്റ്റേഷന് തൊട്ടടുത്ത പമ്പ് ഒഴിവാക്കി; ചോദ്യം ചെയ്യല് തുടരും
കോഴിക്കോട്: ട്രെയിന് തീവയ്പ് കേസിലെ പ്രതി ഷാറുഖ് സെയ്ഫി നാലു ലിറ്റര് പെട്രോള് വാങ്ങിയിരുന്നതായി അന്വേഷണ സംഘത്തിനു സൂചന ലഭിച്ചു. ഷൊര്ണൂര് റെയില്വേ സ്റ്റേഷന് തൊട്ടടുത്ത പമ്പ് ഒഴിവാക്കി കുറച്ചുമാറിയുള്ള പമ്പില് നിന്നാണ് ഇന്ധനം വാങ്ങിയത്. പെട്രോള് വാങ്ങുന്നതിന്റെ സിസിടിവി ദൃശ്യങ്ങള് അന്വേഷണ സംഘം ശേഖരിച്ചു.
രണ്ടു കാനുകളിലായാണ് ഷാറൂഖ് നാല് ലീറ്റര് പെട്രോള് വാങ്ങിയത്. ഓട്ടോയിലാണ് പമ്പിലേക്കു വന്നത് എന്നാണ് സൂചന. പെട്രോള് വാങ്ങി തിരിച്ചെത്തിയ ഷാറൂഖ് ആലപ്പുഴ - കണ്ണൂര് എക്സിക്യുട്ടീവ് എക്സ്പ്രസില് കയറുകയായിരുന്നു.
ഷാറുഖ് കേരളത്തിലെത്തിയത് സമ്പര്ക് ക്രാന്തി എക്സ്പ്രസിലാണെന്ന് അന്വേഷണത്തില് കണ്ടെത്തിയിട്ടുണ്ട്. മാര്ച്ച് 31ന് ഡല്ഹിയില് നിന്ന് കയറി ഷൊര്ണൂരില് ഇറങ്ങുകയായിരുന്നു.
ഷാറൂഖിന്റെ ചോദ്യം ചെയ്യല് ഇന്നും തുടരും. ചേവായൂര് മാലൂര്കുന്ന് പൊലീസ് ക്യാംപില് ആണ് ചോദ്യം ചെയ്യല്.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ