കണ്ണൂർ: കുടുംബത്തോടൊപ്പം വിനോദയാത്രക്കെത്തിയ പതിനഞ്ചുകാരനെ പയ്യാമ്പലത്ത് കടലിൽ കാണാതായി. മടിക്കേരിയിൽ നിന്നെത്തിയ സംഘത്തിലെ കുട്ടിയെയാണ് കാണാതായത്. കോസ്റ്റൽ പൊലീസും മത്സ്യത്തൊഴിലാളികളും കുട്ടിക്കായി തിരച്ചിൽ നടത്തുകയാണ്.
കടൽത്തീരത്ത് കുളിക്കാനെത്തിയ കുട്ടി ഇന്ന് ഉച്ചയ്ക്ക് രണ്ടരയോടെയാണ് തിരയിൽപ്പെട്ടത്. കുട്ടിയ്‌ക്കൊപ്പം തിരയിൽപ്പെട്ട മറ്റു രണ്ടുപേരെ ലൈഫ്ഗാർഡ് രക്ഷപ്പെടുത്തി.
തിരച്ചിൽ ആരംഭിച്ച് മണിക്കൂറുകൾ പിന്നട്ടിട്ടും കുട്ടിയെ കണ്ടെത്താനായിട്ടില്ല. അപകടം നടന്ന് മണിക്കൂറുകൾ പിന്നിട്ടിട്ടും ലൈഫ് ഗാർഡുകളും കോസ്റ്റൽ പൊലീസുമല്ലാതെ മറ്റ് ബന്ധപ്പെട്ട അധികാരികൾ സ്ഥലത്തെത്തി വേണ്ട നടപടികൾ സ്വീകരിച്ചിട്ടില്ലെന്ന് കണ്ണൂർ മേയർ ടി ഒ മോഹനൻ കുറ്റപ്പെടുത്തി. പയ്യാമ്പലത്ത് മതിയായ സുരക്ഷയൊരുക്കാനുള്ള ഔദ്യോഗിക സംവിധാനങ്ങളുടെ അഭാവം ശ്രദ്ധയിൽപ്പെട്ടിട്ടുണ്ടെന്നും അദ്ദേഹം പറഞ്ഞു.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
