കട്ടപ്പന: ഇടുക്കി വണ്ടന്മേടിന് സമീപം കറുവക്കുളത്ത് മൃതദേഹം കണ്ടെത്തി. ദിവസങ്ങളോളം പഴക്കമുള്ള മൃതദേഹം തിരിച്ചറിഞ്ഞിട്ടില്ല.
ഇന്ന് ഉച്ചയോടെയാണ് സംഭവം. 16 ഏക്കര്‍ വരുന്ന ഏലത്തോട്ടത്തിന്റെ നടുക്ക് കാനയോട് ചേര്‍ന്നാണ് മൃതദേഹം കണ്ടെത്തിയത്. മൃതദേഹത്തിന് പത്തുദിവസത്തെ പഴക്കം ഉണ്ടാകാമെന്നാണ് പൊലീസിന്റെ പ്രാഥമിക നിഗമനം.
മൂന്നാഴ്ചയായി എസ്റ്റേറ്റില്‍ ജോലിക്കാര്‍ ഉണ്ടായിരുന്നില്ല. മാനേജര്‍ വീട്ടില്‍ പോയിരിക്കുകയായിരുന്നു. ഇന്ന് തൊഴിലാളികളെയും കൂട്ടി ജോലിക്ക് വന്നപ്പോഴാണ് മൃതദേഹം കണ്ടെത്തിയത്. ദുര്‍ഗന്ധത്തെ തുടര്‍ന്ന് തിരച്ചില്‍ നടത്തിയപ്പോഴാണ് മൃതദേഹം കണ്ടെത്തിയത്. പൊലീസ് സ്ഥലത്തെത്തി തുടര്‍നടപടികള്‍ സ്വീകരിച്ചു. ഫോറന്‍സിക് വിദഗ്ധരും പരിശോധന നടത്തി.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
