തിരുവനന്തപുരം: കണ്ണൂര് ഇന്ത്യന് ഇന്സ്റ്റിറ്റ്യൂട്ട് ഓഫ് ഹാന്ഡ്ലൂം ടെക്നോളജി അടക്കം വിവിധ സര്ക്കാര് സ്ഥാപനങ്ങളിലെ ജീവനക്കാരുടെ ശമ്പളം പരിഷ്കരിക്കാന് മന്ത്രിസഭാ യോഗ തീരുമാനം. കണ്ണൂര് ഇന്ത്യന് ഇന്സ്റ്റിറ്റ്യൂട്ട് ഓഫ് ഹാന്ഡ്ലൂം ടെക്നോളജി (ഐഐഎച്ച്റ്റി) യിലെ ജീവനക്കാരുടെ ശമ്പളവും മറ്റ് ആനുകൂല്യങ്ങളും 2019 ജൂലൈ ഒന്നു മുതല് മുന്കാല പ്രാബല്യത്തോടെ പരിഷ്ക്കരിക്കും.കേരള സംഗീത നാടക അക്കാദമിയിലെ സര്ക്കാര് അംഗീകാരമുള്ള തസ്തികകളുടെ ശമ്പളം, അലവന്സുകള് എന്നിവ 2021 ഫെബ്രുവരി 10 ലെ ഉത്തരവിന്റെ അടിസ്ഥാനത്തില് വ്യവസ്ഥകള്ക്കു വിധേയമായി പരിഷ്ക്കരിക്കും.
കേരള മത്സ്യത്തൊഴിലാളി ക്ഷേമനിധി ബോര്ഡിലെ സ്ഥിരം ജീവനക്കാര്ക്ക് വ്യവസ്ഥകള്ക്കു വിധേയമായി പതിനൊന്നാം ശമ്പള പരിഷ്ക്കരണ ആനുകൂല്യം അനുവദിക്കും.കേരള നഗര ഗ്രാമ വികസന ധനകാര്യ കോര്പ്പറേഷന് ലിമിറ്റഡിലെ ജീവനക്കാര്ക്ക് വ്യവസ്ഥകള്ക്കു വിധേയമായി പത്താമത്തെയും പതിനൊന്നാമത്തെയും ശമ്പള പരിഷ്ക്കരണ ആനുകൂല്യങ്ങള് അനുവദിക്കാനും മന്ത്രിസഭാ യോഗം തീരുമാനിച്ചു.
തെന്മല ഇക്കോ ടൂറിസം പ്രൊമോഷന് സൊസൈറ്റി ജീവനക്കാര്ക്ക് 2021 ഫെബ്രുവരി 10ല് സര്ക്കാര് ജീവനക്കാര്ക്ക് അനുവദിച്ച ശമ്പള പരിഷ്ക്കരണ ആനുകൂല്യം അനുവദിക്കും.മൃഗസംരക്ഷണ വകുപ്പിന്റെ കീഴിലുള്ള പൊതുമേഖലാ സ്ഥാപനങ്ങളായ കേരള ഫീഡ്സ് ലിമിറ്റഡ്, കേരള കന്നുകാലി വികസന ബോര്ഡ് ലിമിറ്റഡ്, മീറ്റ് പ്രോഡക്ട് ഓഫ് ഇന്ത്യ ലിമിറ്റഡ്, കേരള പൗള്ട്രി ഡെവലപ്മെന്റ് കോര്പ്പറേഷന് ലിമിറ്റഡ് എന്നി സ്ഥാപനങ്ങളിലെ ജീവനക്കാര്ക്ക് 2021-22 വര്ഷത്തെ ബോണസ്, ഉത്സവബത്ത, മറ്റ് ആനുകൂല്യങ്ങള് എന്നിവ നല്കിയത് സാധൂകരിക്കാനും യോഗം തീരുമാനിച്ചു.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ