കോഴിക്കോട്: കണ്ണൂർ സെൻട്രൽ ജയലിൽ നിന്നു പ്രതികളുമായി വന്ന പൊലീസ് ബസ് അപകടത്തിൽപ്പെട്ടു. കൊയിലാണ്ടിയിൽ വച്ച് പൊലീസ് ബസും ഇന്നോവ കാറുമാണ് കൂട്ടിയിടിച്ചത്. അപകടത്തിൽ പത്ത് പേർക്ക് പരിക്ക്. ഇന്ന് വൈകീട്ട് 3.30നു കൊയിലാണ്ടി ദേശീയ പാതയിൽ കൃഷ്ണ തിയേറ്ററിനു സമീപത്താണ് അപകടമുണ്ടായത്.
മലപ്പുറം എആർ ക്യാമ്പിൽ നിന്നു പ്രതികളുമായി കണ്ണൂർ സെൻട്രൽ ജയിലിൽ പോയി തിരിച്ചു വരുമ്പോഴാണ് പൊലീസ് ബസ് അപകടത്തിൽപ്പെട്ടത്. ഇന്നോവ കാർ വടകര ഭാഗത്തേക്ക് പോകുകയായിരുന്നു. ഇടിയുടെ ആഘാതത്തിൽ കാറിന്റെ മുൻഭാഗം പൂർണമായും തകർന്നു.
പരിക്കേറ്റവരെ കൊയിലാണ്ടി താലൂക്ക് ആശുപത്രിയിലും കോഴിക്കോട് മെഡിക്കൽ കോളജിലും പ്രവേശിപ്പിച്ചു. ഇടിയുടെ ആഘാതത്തിൽ ഇന്നോവ കാറിലെ ഡ്രൈവർ വണ്ടിയിൽ കുടുങ്ങിക്കിടന്നു. ഇയാളെ അഗ്നിരക്ഷാ സേനയും നാട്ടുകാരും ചേർന്നു കട്ടർ ഉപയോഗിച്ചാണ് കാറിൽ നിന്നു പുറത്തെടുത്തത്.
ഈ വാർത്ത കൂടി വായിക്കൂ
സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
