തിരുവനന്തപുരം: എസ്എസ്എല്സി പരീക്ഷയില് ഉപരിപഠന യോഗ്യത നേടിയ മുഴുവന് വിദ്യാര്ഥികള്ക്കും തുടര്പഠനത്തിന് അവസരം ഒരുക്കണമെന്ന് മുഖ്യമന്ത്രി പിണറായി വിജയന് നിര്ദേശിച്ചു. ഹയര് സെക്കന്ഡറി പ്രവേശനം സംബന്ധിച്ച യോഗത്തില് സംസാരിക്കുകയായിരുന്നു മുഖ്യമന്ത്രി.
വൊക്കേഷണല് ഹയര്സെക്കന്ഡറി, ഐടിഐ, പോളിടെക്നിക് എന്നിവിടങ്ങളിലെ സീറ്റുകള് കൂടി കണക്കാക്കി ഹയര് സെക്കന്ഡറിയില് സീറ്റുകള് ഉറപ്പാക്കും. ഇതിനായി കുട്ടികളുടെ എണ്ണം കുറഞ്ഞ ബാച്ചുകള് ആവശ്യമായ ഇടങ്ങളിലേക്ക് മാറ്റി നല്കുകയും പുതിയ ബാച്ചുകള് അനുവദിക്കുകയും ചെയ്യും. പ്രാദേശിക സന്തുലിതാവസ്ഥ നിലനിര്ത്തി പുതിയ ബാച്ചുകള് അനുവദിക്കണമെന്നും മുഖ്യമന്ത്രി നിര്?ദേശിച്ചു.
യോഗത്തില് വിദ്യാഭ്യാസ മന്ത്രി വി ശിവന്കുട്ടി, പ്ലാനിങ്ങ് ബോര്ഡ് വൈസ് ചെയര്മാന് വികെ രാമചന്ദ്രന്, ചീഫ് സെക്രട്ടറി വിപി ജോയി, ധനകാര്യ അഡീഷണല് ചീഫ് സെക്രട്ടറി ബിശ്വനാഥ് സിന്ഹ, വിദ്യാഭ്യാസ പ്രിന്സിപ്പല് സെക്രട്ടറി റാണി ജോര്ജ്, മുഖ്യമന്ത്രിയുടെ ചീഫ് പ്രിന്സിപ്പല് സെക്രട്ടറി ഡോ. കെഎം എബ്രഹാം, ഡയക്ടര് ജനറല് ഓഫ് എജ്യുക്കേഷന് എസ് ഷാനവാസ് എന്നിവര് പങ്കെടുത്തു
ഈ വാര്ത്ത കൂടി വായിക്കൂ വിദ്യാര്ഥിനിയുടെ ആത്മഹത്യ; സര്ക്കാര് ഇടപെടുന്നു, മന്ത്രിമാര് അമല്ജ്യോതി കോളജിലേക്ക്
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ