കൊച്ചി: പുരാവസ്തു തട്ടിപ്പു കേസിലെ പ്രതി മോന്‍സന്‍ മാവുങ്കൽ പ്രതിയായ രണ്ടാമത്തെ പോക്സോ കേസിന്റെ വിചാരണയിൽ സാക്ഷികൾ പ്രതികളെ തിരിച്ചറിഞ്ഞു. മോൻസൻ രണ്ടാം പ്രതിയായ കേസിൽ ഇയാളുടെ മേക്കപ്പ്മാൻ കെ ജെ ജോഷിയാണ് ഒന്നാം പ്രതി. രണ്ടു പ്രതികളെയും ഇന്നലെ കോടതിയിൽ ഹാജരാക്കിയിരുന്നു.
മോൻസന്റെ വീട്ടിൽ എട്ട് വർഷത്തോളം ജോലി ചെയ്തിരുന്ന സ്ത്രീയുടെ മകളെ ജോഷി പീഡിപ്പിച്ചെന്നാണ് കേസ്. മോൻസന്റെ സ്ഥാപനത്തിൽ ജീവനക്കാരിയായിരുന്ന വനിതയെയും അതിജീവിതയുടെ സഹോദരനെയുമാണ് വിസ്തരിച്ചത്. പീഡനവിവരം പറഞ്ഞിട്ടും പ്രതികരിക്കാതെ മറച്ചുവച്ച് ഒത്താശ ചെയ്തതിനാണ് മോൻസനെ കേസിൽ പ്രതിയാക്കിയത്.
നേരത്തെ, വീട്ടു ജോലിക്കാരിയുടെ പ്രായപൂര്‍ത്തിയാവാത്ത മകളെ പീഡിപ്പിച്ചെന്ന കേസില്‍ എറണാകുളം പോക്സോ കോടതി മോൻസനെ ജീവപര്യന്തം തടവിനു ശിക്ഷിച്ചിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
