കൊച്ചി: 22 പേരുടെ മരണത്തിന് ഇടയാക്കിയ താനൂര് ബോട്ട് അപകടത്തെക്കുറിച്ച് റിട്ട. ജസ്റ്റിസ് വികെ മോഹനന് ചെയര്മാനായ ജുഡീഷ്യല് കമ്മിഷന് അന്വേഷിക്കും. നീലകണ്ഠന് ഉണ്ണി, സുരേഷ് കുമാര് എന്നീ സാങ്കേതിക വിദഗ്ധര് കമ്മിഷന് അംഗങ്ങളായിരിക്കും.
സംസ്ഥാനത്തെ മുഴുവന് യാനങ്ങളിലും സ്പെഷ്യല് സ്ക്വാഡ് രൂപീകരിച്ച് പരിശോധന നടത്താന് തുറമുഖ മന്ത്രി അഹമ്മദ് ദേവര്കോവിലിന്റെ അദ്ധ്യക്ഷതയില് ചേര്ന്ന ഉന്നതതല യോഗം തീരുമാനിച്ചു.
ദുരന്തത്തില് മരിച്ച 22 പേരുടെയും കുടുംബാംഗങ്ങള്ക്ക് മുഖ്യമന്ത്രിയുടെ ദുരിതാശ്വാസനിധിയില് നിന്ന് 10 ലക്ഷം രൂപ വീതം ധനസഹായം പ്രഖ്യാപിച്ചിരുന്നു. പരിക്കേറ്റവരുടെ ചികിത്സാ ചെലവ്, രക്ഷാപ്രവര്ത്തനം എന്നിവയ്ക്കായി 25 ലക്ഷം രൂപയും അനുവദിച്ചിരുന്നു. ഇതുകൂടാതെ പരുക്കേറ്റവരുടെ തുടര് ചികിത്സാ ചെലവ് വഹിക്കുവാനും മന്ത്രിസഭായോഗം തീരുമാനിച്ചു.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ