കുസാറ്റ് ദുരന്തം: നവകേരള സദസിലെ സാംസ്‌കാരിക പരിപാടികള്‍ ഒഴിവാക്കി; മുഖ്യമന്ത്രിയുടെ വാര്‍ത്താ സമ്മേളനവുമില്ല
കോഴിക്കോട്: നവകേരള സദസ് മൂന്നാം ദിവസവും കോഴിക്കോട് തുടരുന്നു. കുസാറ്റ് ദുരന്തത്തിന്റെ പശ്ചാത്തലത്തില്‍ നവകേരള സദസിനോട് അനുബന്ധിച്ചുള്ള ആഘോഷപരിപാടികളും കലാ പരിപാടികളും ഒഴിവാക്കി.
രാവിലെ ഒമ്പതു മണിക്ക് ഓമശ്ശേരി ഏമ്പലക്കണ്ടി സ്‌നേഹതീരം കണ്‍വെന്‍ഷന്‍ സെന്ററില്‍ പ്രഭാതയോഗം ചേരും. തിരുവമ്പാടി, ബാലുശ്ശേരി, കൊടുവള്ളി, ബേപ്പൂര്‍, കുന്ദമംഗലം മണ്ഡലങ്ങളില്‍ നിന്നുള്ള ക്ഷണിതാക്കള്‍ പ്രഭാത യോഗത്തില്‍ പങ്കെടുക്കും.
പ്രഭാത യോഗത്തിന് ശേഷമുള്ള മുഖ്യമന്ത്രിയുടെ വാര്‍ത്താസമ്മേളനം കളമശ്ശേരി കുസാറ്റ് ദുരന്തത്തിന്റെ പശ്ചാത്തലത്തില്‍ ഒഴിവാക്കിയിട്ടുണ്ട്. കുസാറ്റ് ദുരന്തത്തില്‍ മന്ത്രിസഭായോഗം അനുശോചനം രേഖപ്പെടുത്തിയിരുന്നു. മന്ത്രിമാരായ പി രാജീവും ആര്‍ ബിന്ദുവും കൊച്ചിയിലെത്തിയിട്ടുണ്ട്.
ഈ വാർത്ത കൂടി വായിക്കൂ
സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
