കോട്ടയം: കാരിത്താസ് ആശുപത്രിക്ക് 'ഗ്രേറ്റ് പ്ലേസ് ടു വര്ക്ക്' അംഗീകാരം. പരിശോധനകളുടെയും , വിവിധ സര്വേകളുടെയും അടിസ്ഥാനത്തില് ഗ്രേറ്റ് പ്ലേസ് ടു വര്ക്ക് ഇന്സ്റ്റിറ്റ്യൂട്ട് ഏറ്റവും മികച്ച തൊഴിലാളി സൗഹൃദ സ്ഥാപനങ്ങള്ക്ക് നല്കുന്ന അംഗീകാരമാണിത്. കേരളത്തില് ഈ അംഗീകാരം ലഭിച്ച ആദ്യത്തെ സൂപ്പര് സ്പെഷ്യാലിറ്റി ആശുപത്രിയാണ് കാരിത്താസ് .
ഒരു സ്ഥാപനത്തില് തൊഴിലെടുക്കുന്ന ജീവനക്കാര് തന്നെ അവരുടെ സന്തോഷം, സുരക്ഷ, അഭിമാനം, വിശ്വാസം, കൂട്ടായ്മ, ഒത്തൊരുമ തുടങ്ങിയവ സ്വയം സാക്ഷ്യപ്പെടുത്തുന്നതാണ് ഗ്രേറ്റ് പ്ലേസ് ടു വര്ക്ക് ഇന്സ്റ്റിറ്റ്യൂട്ടിന്റെ അംഗീകാരത്തിന്റെ മേന്മ. തൊഴില് - വിദ്യാഭ്യാസ വകുപ്പ് മന്ത്രി വി ശിവന്കുട്ടി ആശുപത്രി ഡയറക്ടര് ഫാ. ഡോ. ബിനുകുന്നത്തിന് ഗ്രേറ്റ് പ്ലേസ് ടു വര്ക്ക് ഇന്സ്റ്റിറ്റ്യൂട്ടിന്റെ അംഗീകാരം കൈമാറി.
ഗ്രേറ്റ് പ്ലേസ് ടു വര്ക്ക് ഇന്സ്റ്റിറ്റ്യൂട്ടിന്റെ ഈ അംഗീകാരം നേടാന് കഴിഞ്ഞതില് കാരിത്താസ് ആശുപത്രി മാനേജ്മെന്റ് അങ്ങേയറ്റം അഭിമാനിക്കുന്നതായി കാരിത്താസ് ആശുപത്രി ഡയറക്ടര് ഫാ. ഡോ. ബിനു കുന്നത്ത് പറഞ്ഞു.
ഈ വാർത്ത കൂടി വായിക്കൂ
സമകാലിക മലയാളം ഇപ്പോൾ വാട്സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ