കൊച്ചി: മാതാ അമൃതാനന്ദമയിക്ക് ഇന്ന് 70-ാം പിറന്നാൾ. ജന്മനക്ഷത്രമായ കാർത്തിക നാളിൽ ഒക്ടോബർ മൂന്നിന് അമൃത വിശ്വവിദ്യാപീഠം അമൃതപുരി കാമ്പസിൽ 'അമൃതവർഷം 70' എന്നപേരിൽ സപ്തതി ആഘോഷം നടക്കും. അതുകൊണ്ട് ഇന്ന് അമൃതപുരിയിൽ കാര്യമായ ആഘോഷങ്ങളില്ല.
ഒക്ടോബർ മൂന്നിന് രാവിലെ അമൃതാനന്ദമയി മഠം വൈസ് ചെയർമാൻ സ്വാമി അമൃതസ്വരൂപാനന്ദപുരിയുടെ നേതൃത്വത്തിൽ ഗുരുപാദ പൂജ നടക്കും. പിന്നാലെ മാതാ അമൃതാനന്ദമയി ജന്മദിനസന്ദേശം നൽകും. പ്രകൃതിസംരക്ഷണമെന്ന സന്ദേശവുമായി ഐക്യരാഷ്ട്രസഭയിലെ 193 രാജ്യങ്ങളിൽനിന്നുള്ള പ്രതിനിധികൾ ആഘോഷത്തിൽ പങ്കെടുക്കും. അമൃതകീർത്തി പുരസ്കാരവിതരണം, സമൂഹവിവാഹം, വസ്ത്രവിതരണം, സ്ത്രീകൾക്കായി ആരംഭിച്ച തൊഴിൽ പരിശീലനപരിപാടിയുടെ ആദ്യബാച്ചിലെ 3000 പേർക്കുള്ള സർട്ടിഫിക്കറ്റ് വിതരണം തുടങ്ങിയവയും ആഘോഷത്തിന്റെ ഭാഗമായി നടക്കും.
മഠത്തിന് കീഴിലുള്ള എല്ലാ സ്ഥാപനങ്ങളും സപ്തതി ആഘോഷം പ്രമാണിച്ച് സേവനവാരം ആചരിക്കുന്നുണ്ട്. ഇന്ന് ആരംഭിച്ച് ഒക്ടോബർ രണ്ടിന് അമൃതപുരിയിൽ എത്തുന്ന വിധം വിവിധ ഭാഗങ്ങളിൽ നിന്ന് രഥഘോഷയാത്രകളും നടക്കും.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ