ഇനി പ്രോട്ടോക്കോള് നോക്കി സമയം കളയണ്ട. ലോക രാഷ്ട്ര തലവന്മാര്ക്ക് തന്നെ നേരിട്ട് ഫോണില് ബന്ധപ്പെടാമെന്ന് അമേരിക്കന് പ്രസിഡന്റ് ഡൊണാള്ഡ് ട്രംപ്. നയതന്ത്ര പ്രോട്ടോക്കോളുകള് മാറ്റിവെച്ചാണ് ട്രംപ് ലോക രാഷ്ട്ര തലവന്മാരുമായുള്ള ബന്ധം മെച്ചപ്പെടുത്താന് പുതിയ വഴി കണ്ടെത്തിയിരിക്കുന്നത്.
എന്നാല് ഇത് സുരക്ഷ ഭീഷണി ഉയര്ത്തുമെന്നും, അമേരിക്കന് കമാന്ണ്ടര് ഇന് ചീഫിന്റെ സ്വകാര്യത ഇല്ലാതാക്കുന്നതുമാണെന്ന് വിമര്ശനം ഉയരുന്നുണ്ട്. നിലവില് കനേഡിയന്, മെക്സിക്കന് രാജ്യതലവന്മാര്ക്കാണ് ട്രംപിനെ നേരിട്ട് വിളിക്കുന്നതിന് അനുവാദമുള്ളത്.
എന്നാല് ഫ്രഞ്ച് പ്രസിഡന്റായി തെരഞ്ഞെടുക്കപ്പെട്ടതിന് പിന്നാലെ ഇമ്മാനുവല് മക്രോണിന് ട്രംപ് തന്റെ സെല്ഫോണ് നമ്പര് കൈമാറിയതായാണ് വാര്ത്തകള്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ