നുർ സുൽത്താൻ: കസാഖിസ്ഥാനിൽ 100 പേരുമായി പറന്നുയർന്ന വിമാനം തകര്‍ന്നുവീണു. അൽമാറ്റി വിമാനത്താവളത്തിൽ നിന്ന് പറന്നുയർന്ന ബെക് എയർ വിമാനമാണ് അപകടത്തിൽ പെട്ടത്. പ്രാദേശിക സമയം രാവിലെ 7. 22നാണ് അപകടം. പന്ത്രണ്ടു പേരുടെ മരണം സ്ഥിരീകരിച്ചിട്ടുണ്ട്.
വിമാനത്തിൽ 95 യാത്രക്കാരും അഞ്ച് ജീവനക്കാരുമാണ‌് ഉണ്ടായിരുന്നത്. വിമാനത്താവളത്തിൽ നിന്ന് പറന്നുയർന്ന ഉടനെ നിയന്ത്രണം നഷ്ടപ്പെട്ട് വിമാനം ഇരുനില കെട്ടിടത്തിലേക്ക് ഇടിച്ചു കയറി തകർന്ന് വീഴുകയായിരുന്നു. അപകടത്തിൽ പരിക്കേറ്റ ഏതാനും പേരെ രക്ഷാപ്രവർത്തകർ ആശുപത്രിയിലെത്തിച്ചതായി വാർത്താ ഏജൻസി റിപ്പോർട്ട് ചെയ്തു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
