ക്രൈസ്റ്റ്ചര്ച്ച്: ന്യൂസിലന്ഡിലെ െ്രെകസ്റ്റ് ചര്ച്ചിലുള്ള മുസ്ലിം പള്ളിയില് വെടിവയ്പ്പില് ആറ് പേര് കൊല്ലപ്പെട്ടു. സംഭവത്തില് നിരവധി പേര്ക്കാണ് പരിക്കേറ്റത്. സൗത്ത് ഐലന്ഡ് സിറ്റിയിലുള്ള മസ്ജിദ് അല് നൂര് പള്ളിയിലാണ് അജ്ഞാതന് വെടിവയ്പ്പ് നടത്തിയത്. സംഭവവുമായി ബന്ധപ്പെട്ട് ഒരാളെ പൊലീസ് കസ്റ്റഡിയിലെടുത്തിട്ടുണ്ട്. അക്രമി ഒരാള് മാത്രമല്ലെന്ന നിഗമനത്തിലാണ് പൊലീസ്. അന്വേഷണം ഊര്ജിതമായി നടക്കുകയാണെന്നും പൊലീസ് വ്യക്തമാക്കി.
സമീപത്തുള്ള മറ്റൊരു പള്ളിയിലും വെടിവയ്പ്പ് അരങ്ങേറിയതായി റിപ്പോര്ട്ടുകള് പുറത്തുവരുന്നുണ്ട്. കറുത്ത വസ്ത്രം ധരിച്ചെത്തിയ അക്രമി പള്ളിയില് കയറി തുരുതുരെ വെടിയുതിര്ക്കുകയായിരുന്നുവെന്ന് ദൃക്സാക്ഷികള് പറയുന്നു. സംഭവത്തെ തുടര്ന്ന് സ്ഥലത്ത് അതീവ ജാഗ്രതാ നിര്ദേശം നല്കിയിട്ടുണ്ട്.
ന്യൂസിലന്ഡ് പര്യടനത്തിനെത്തിയ ബംഗ്ലാദേശ് ക്രിക്കറ്റ് ടീം അംഗങ്ങളും ഈ സമയത്ത് പള്ളിക്ക് സമീപമുണ്ടായിരുന്നതായി റിപ്പോര്ട്ടുകളുണ്ട്. കളിക്കാരെല്ലാം സുരക്ഷിതരാണെന്ന് ബംഗ്ലാദേശ് താരം തമീം ഇഖ്ബാല് ട്വീറ്റ് ചെയ്തു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ