ജര്‍മ്മനിയിലെ സൂപ്പര്‍മാര്‍ക്കറ്റില്‍ എത്തിയ യുവാവ് ആയിരങ്ങള്‍ വില വരുന്ന മദ്യകുപ്പികള്‍ നശിപ്പിച്ചു. 80,000 ത്തോളം രൂപ വിലവരുന്ന മദ്യക്കുപ്പികളാണ് നശിപ്പിച്ചത്. സൂപ്പര്‍മാര്‍ക്കറ്റിലെത്തിയ ഇയാള്‍ അങ്ങോട്ടും ഇങ്ങോട്ടും നടന്ന ശേഷം മദ്യകുപ്പികള്‍ വെച്ച ഷെല്‍ഫില്‍ നിന്നും കുപ്പികള്‍ വലിച്ചുതാഴെയിടുകയായിരുന്നു. ഇതിന്റെ വീഡിയോ സമൂഹമാധ്യമങ്ങളില്‍ വ്യാപകമായി പ്രചരിക്കുന്നു.
സെന്റര്‍ ജര്‍മ്മനിയിലെ നോര്‍ദ്ഹൗസനിലെ സൂപ്പര്‍മാര്‍ക്കറ്റിലായിരുന്നു 24കാരന്റെ അഭ്യാസപ്രകടനം. സംഭവത്തില്‍ പൊലീസ് കേസെടുത്ത് അന്വേഷണം ആരഭിച്ചിട്ടുണ്ട്. മദ്യകുപ്പികള്‍ നിലത്തുവീണ് പൊട്ടിയതിന് പിന്നാലെ തീകൊളുത്താനും യുവാവ് ശ്രമം നടത്തി. എന്നാല്‍ സൂപ്പര്‍മാര്‍ക്കറ്റിലെ ജീവനക്കാരുടെ അവസരോചിതമായ ഇടപെടലിനെ തുടര്‍ന്നാണ് വന്‍ അപകടം ഒഴിവായത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
