വത്തിക്കാന് സിറ്റി: കൊറോണ വൈറസ് ബാധയുടെ പശ്ചാത്തലത്തില്‍ ഞായറാഴ്ച പ്രാര്‍ത്ഥന വീഡിയോ കോണ്‍ഫറന്‍സ് വഴിയാക്കി ഫ്രാന്‍സിസ് മാര്‍പ്പാപ്പ. ഇറ്റലിയില്‍ കൊവിഡ് 19 വ്യാപകമായ പടരുന്ന സാഹചര്യത്തിലാണ് പ്രാര്‍ത്ഥന വീഡിയോ കോണ്‍ഫറന്‍സ് വഴിയാക്കിയത്. സെന്റ് പീറ്റേഴ്‌സ് സ്‌ക്വയറിലെ ജനാലക്കരികില്‍ നിന്നായിരുന്നു മാര്‍പ്പാപ്പ എയ്ഞ്ചല്‍സ് പ്രാര്‍ത്ഥന നടത്തിയിരുന്നത്.
വത്തിക്കാന് ന്യൂസ് പ്രാര്‍ത്ഥന തല്‍സമയം സംപ്രേഷണം ചെയ്യും. ഫ്രാന്‍സിസ് മാര്‍പാപ്പയും നേരത്തെ കൊറോണ പരിശോധന നടത്തിയിരുന്നു. ചുമയെയും പനിയെയും തുടര്‍ന്നാണ് അദ്ദേഹം പരിശോധനയ്ക്ക് വിധേയനായത്. പരിശോധനയില്‍ രോഗമില്ലെന്ന് കണ്ടെത്തി. എന്നാല്‍ പരിശോധനയെക്കുറിച്ച് വത്തിക്കാന് ഔദ്യോഗിക സ്ഥിരീകരണം നടത്തിയിരുന്നില്ല.
വത്തിക്കാന് പുറത്തുള്ള സെന്റ് മാര്‍ത്താസ് ഗസ്റ്റ് ഹൗസിലാണ് പോപ് ഇപ്പോള്‍ കൂടുതല്‍ താമസിക്കുന്നത്. മാര്‍പ്പാപ്പയുടെ മറ്റ് പരിപാടികളും മാറ്റിയേക്കും. ഇറ്റലിയില്‍ ഇതുവരെ 6000 പേര്‍ക്ക് വൈറസ് ബാധിക്കുകയും 145 പേര്‍ മരിക്കുകയും ചെയ്തു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
