വാഷിംഗ്ടൺ ഡിസി: ലോകത്തെ കോവിഡ് ബാധിതരുടെ എണ്ണം 1.82 കോടി കടന്നു. 18,234,936 പേർക്കാണ് ഇതുവരെ വൈറസ് ബാധ സ്ഥിരീകരിച്ചത്. അമേരിക്ക, ബ്രസീൽ, ഇന്ത്യ എന്നിവിടങ്ങളിലാണ് സ്ഥിതി രൂക്ഷമായി തുടരുന്നത്. 6,92,358 പേരാണ് ഇതുവരെ വൈറസ് ബാധയേത്തുടർന്ന് മരിച്ചത്. 1,14,36,724 പേർ രോഗമുക്തി നേടുകയും ചെയ്തു.
കഴിഞ്ഞ 24 മണിക്കൂറിനിടെ 2,11,948 പേർക്കാണ് രോഗം ബാധിച്ചത്. അമേരിക്ക (48,13,647), ബ്രസീൽ (27,33,677, ഇന്ത്യ(18,04,702), റഷ്യ (8,50,870), ദക്ഷിണാഫ്രിക്ക (5,11,485), മെക്സിക്കോ (4,39,046), പെറു (4,28,850), ചിലി (3,59,731), സ്പെയിൻ (3,35,602), കൊളംബിയ (3,17,651) എന്നിങ്ങനെയാണ് വിവിധ രാജ്യങ്ങളിലെ കോവിഡ് ബാധിതരുടെ എണ്ണം. അമേരിക്കയിലെ കോവിഡ് മരണം 1.58 ലക്ഷം പിന്നിട്ടപ്പോൾ ബ്രസീലിൽ മരണം ഒരു ലക്ഷത്തോടടുക്കുകയാണ്.
ഇറാനിലും ബ്രിട്ടനിലും മൂന്ന് ലക്ഷത്തിലേറപ്പേർക്ക് രോഗം സ്ഥിരീകരിച്ചിട്ടുണ്ട്. പാക്കിസ്ഥാൻ, സൗദി അറേബ്യ, ഇറ്റലി, ബംഗ്ലാദേശ്, തുർക്കി, ജർമനി എന്നീ രാജ്യങ്ങളിൽ രണ്ടുലക്ഷത്തിനു മുകളിലും അർജൻറീന, ഫ്രാൻസ്, ഇറാക്ക്, കാനഡ, ഇന്തോനീഷ്യ, ഖത്തർ, ഫിലിപ്പീൻസ് എന്നിവിടങ്ങളിൽ ഒരു ലക്ഷത്തിനു മുകളിലും കോവിഡ് ബാധ സ്ഥിരീകരിച്ചിട്ടുണ്ട്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
