ഷിൻകു: സമൂഹമാധ്യമങ്ങളിൽ നിരവധി വീഡിയോ വൈറലാവാറുണ്ട്. എന്നാൽ ഏറെ പ്രചരിക്കുന്ന ഈ വിഡിയോ കണ്ടാൽ ആരും ശ്വാസമടക്കി നിന്നുപോകും. അത്രമേൽ അമ്പരപ്പാണ് ഈ വീഡിയോ നാട്ടുകാരിലും ബന്ധുക്കളിലും ഉണ്ടാക്കിയത്. കൂറ്റൻ പട്ടത്തിന്റെ വാലിൽ 100 അടിയോളം ഉയരത്തിൽ കാറ്റിൽ ആടിയുലയുകയാണ് മൂന്ന് വയസുകാരി. ഒടുവിൽ, കാറ്റിെൻറ ഏതോ ഗതിയിൽ അവൾ സുരക്ഷിതയായി നിലത്തിറങ്ങിയപ്പോളാണ് എല്ലാവരുടെയും ശ്വാസം നേരേ വീണത്. ദൃക്സാക്ഷികളായവരുടേത് മാത്രമല്ല, പിന്നീ്ട് ആ രംഗത്തിെൻറ വിഡിയോ സമൂഹ മാധ്യമങ്ങളിൽ കണ്ടവരുടെയും.
തായ്വാനിലെ ഷിൻകുവിൽ നടന്ന പട്ടംപറത്തൽ ഉത്സവത്തിനിടെയാണ് കാഴ്ചക്കാരെയെല്ലാം ആശങ്കയിലാഴ്ത്തി കുട്ടി അപകടത്തിൽപ്പെട്ടത്. കൂറ്റൻ പട്ടത്തിന്റെ വാലിൽ കുട്ടിയുടെ ഉടുപ്പ് ഉടക്കുകയും കാറ്റ് ശക്തിയായപ്പോൾ മുകളിലേക്ക് ഉയരുകയുമായിരുന്നു. പിന്നീട് ഒരു മിനിറ്റോളം കുട്ടി 100 അടിയോളം ഉയരത്തിൽ തലങ്ങും വിലങ്ങും ഉലഞ്ഞു. കാറ്റിന്റെ ശക്തി കുറഞ്ഞപ്പോൾ പട്ടത്തിന്റെ വാൽ താഴ്ന്നുവരികയും കാണികൾ കുട്ടിയെ രക്ഷപ്പെടുത്തുകയുമായിരുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ