ബെർലിൻ: ജർമനിയിൽ രണ്ടു സ്ഥലങ്ങളിലുണ്ടായ വെടിവെയ്പിൽ എട്ടു പേർ കൊല്ലപ്പെട്ടു. അഞ്ചുപേർക്ക് ഗുരുതരമായി പരിക്കേറ്റു. വെസ്റ്റേൺ ജർമനിയിലെ ഹനാവു നഗരത്തിലെ രണ്ടു ബാറുകളിലാണ് അജ്ഞാതരായ അക്രമികൾ വെടിയുതിർത്തത്.
ഹനാവു ഡൗൺടൗണിലെ ബാറിലാണ് ആദ്യം വെടിവെപ്പുണ്ടായത്. ഇതിൽ മൂന്നുപേർ കൊല്ലപ്പെട്ടു. ഇതിന് പിന്നാലെ സമീപത്തെ കെസ്സൽ സ്റ്റാഡിലെ ബാറിലുമെത്തി അക്രമികൾ നിറയൊഴിക്കുകയായിരുന്നു. ഇവിടെയുണ്ടായ വെടിവെപ്പിൽ അഞ്ചുപേർ കൊല്ലപ്പെട്ടു. വെടിവെപ്പിൽ നിരവധി പേർക്ക് പരിക്കേറ്റിട്ടുണ്ട്.
അക്രമികൾക്കായി പൊലീസ് തെരച്ചിൽ ആരംഭിച്ചു. ഒരാൾ കസ്റ്റഡിയിലായതായും സ്ഥിരീകരിക്കാത്ത റിപ്പോർട്ടുകളുണ്ട്. സംഭവം ഭീകരാക്രമണമാണോയെന്നും പൊലീസ് പരിശോധിക്കുന്നുണ്ട്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
