ടെഹ്റാന് : അമേരിക്കന് സൈന്യത്തെ ഭീകരരായി പ്രഖ്യാപിച്ച് ഇറാന്. ഇറാന് പാര്ലമെന്റ് ബില്ല് പാസ്സാക്കി. പെന്റഗണും ഭീകരരുടെ പട്ടികയിലുണ്ട്. ചാരസേന മേധാവി ഖാസിം സുലൈമാനിയുടെ വധത്തിന് പിന്നാലെയാണ് ഇറാന്റെ പ്രമേയം. സുലൈമാനിയുടെ വധത്തില് തിരിച്ചടി നല്കുമെന്ന് ഇറാന് നേരത്തെ പ്രഖ്യാപിച്ചിരുന്നു.
ബഗ്ദാദില് വെച്ചാണ് ഇറാന് ചാരസേനയുടെ മേധാവി ഖാസിം സുലൈമാനി അടക്കം ഏഴുപേരെ അമേരിക്കന് സേന വ്യോമാക്രമണത്തിലൂടെ വധിച്ചത്. ഇതിന് പ്രതികാരമെന്നോണം ബഗ്ദാദിലെ യു എസ് എംബസി സ്ഥിതിചെയ്യുന്ന അതീവ സുരക്ഷാമേഖലയിലും അമേരിക്കയുടെ വ്യോമകേന്ദ്രത്തിലും മോര്ട്ടാര്, റോക്കറ്റ് ആക്രമണങ്ങളും നടന്നിരുന്നു.
സുലൈമാനി വധത്തിന് പിന്നാലെ ഇറാന് ക്യോം ജാകരന് മോസ്കിലെ താഴികക്കുടത്തില് ചുവപ്പുകൊടി ഉയര്ത്തിയിരുന്നു. ഇത് യുദ്ധകാഹളമായാണ് വിലയിരുത്തപ്പെടുന്നത്. ഇതിന് പിന്നാലെ അമേരിക്കന് പൗരന്മാരെയോ, വസ്തുവകകളെയോ ഇറാന് ലക്ഷ്യം വെച്ചാല് പ്രത്യാഘാതം ഗുരുതരമാകുമെന്ന് ട്രംപ് മുന്നറിയിപ്പ് നല്കി. ഇറാന്റെ തന്ത്രപ്രധാനമായ 52 കേന്ദ്രങ്ങള് അമേരിക്കയുടെ നിരീക്ഷണ വലയത്തിലാണ്. കനത്ത തിരിച്ചടി ഉണ്ടാകുമെന്നുമാണ് ട്രംപ് ഭീഷണി മുഴക്കിയത്.
ആണവക്കരാറില് നിന്ന് പിന്മാറുന്നതായി തുടര്ന്ന് ഇറാന് പ്രഖ്യാപിച്ചു. എന്നാല് ഒരുകാലത്തും ഇറാന് ആണവായുധം ഉണ്ടാകില്ലെന്നായിരുന്നു ട്രംപിന്റെ പ്രതികരണം. ഇതിനിടെ ട്രംപിന്രെ തലയ്ക്ക് ഇറാന് വില നിശ്ചയിക്കുകയും ചെയ്തു. ട്രംപിനെ വകവരുത്തിയാല് 80മില്ല്യണ് യുഎസ് ഡോളര് (ഏകദേശം അഞ്ഞൂറുകോടി ഇന്ത്യന് രൂപ) പാരിതോഷികമാണ് പ്രഖ്യാപിച്ചിരിക്കുന്നത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ