കൊളംബോ: മിസിസ് ശ്രീലങ്ക സൗന്ദര്യറാണി പോരിന് ഇടയില് നാടകീയ സംഭവങ്ങള്. സൗന്ദര്യ റാണിയായി തെരഞ്ഞെടുക്കപ്പെട്ട പുഷ്പിക ഡിസല്വയില് നിന്ന് കിരീടം തിരിച്ചെടുത്ത് റണ്ണേഴ്സ് അപ്പായ യുവതിക്ക് നല്കി. കിരീടത്തിനായുള്ള പോരിന് ഇടയില് പുഷ്പികയുടെ തലയ്ക്ക് പരിക്കേറ്റു.
പുരസ്കാര വേദിയില് വെച്ച് പുഷ്പിക ഡിസല്വയുടെ തലയില് നിന്ന് കിരീടം ഊരിയെടുക്കുകയായിരുന്നു 2019ലെ വിജയിയായ കരോലിന്. മത്സരാര്ഥികള് വിവാഹിതരും, ദാമ്പത്യബന്ധം വേര്പെടുത്താത്തവരും ആവണം എന്ന ചട്ടം ചൂണ്ടിക്കാണിച്ചാണ് കരോലിന് ഇടപെട്ടത്.
പുഷ്പിക ഡിസില്വ ഭര്ത്താവുമായി അകന്ന് കഴിയുകയാണെന്ന് ആരോപിച്ചാണ് കിരീടം നിഷേധിച്ചത്. മിസിസ് ശ്രീലങ്കയായി പ്രഖ്യാപിച്ച് കിരീടം അണിയിച്ച് സെക്കന്റുകള് പിന്നിട്ടപ്പോഴാണ് കരോലിന് കിരീടം ഊരാന് വേദിയിലെത്തിയത്. രണ്ടാം സ്ഥാനക്കാരിക്ക് കിരീടം നല്കണം എന്ന് സദസിനോട് കരോലിന് ആവശ്യപ്പെട്ടു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ