ടോക്യോ: ട്രെയിന്‍ യാത്രക്കാരെ കത്തികൊണ്ട് ആക്രമിച്ച് യുവാവ്. ടോക്യോയിലെ പാസഞ്ചര്‍ ട്രെയിനിലാണ് സംഭവം. 10ഓളം യാത്രക്കാര്‍ക്കാണ് ആക്രമണത്തില്‍ പരിക്കേറ്റത്. സന്തോഷവതികളായ സ്ത്രീകളെ കണ്ടപ്പോള്‍ ദേഷ്യം വന്നെന്നും അവരെ കൊല്ലാന്‍ തോന്നിയെന്നുമാണ് യുവാവ് പൊലീസിനോട് പറഞ്ഞത്. 36കാരനായ യുവാവിനെ പൊലീസ് അറസ്റ്റ് ചെയ്തു.
ആറ് വര്‍ഷം മുമ്പു മുതല്‍ സന്തോഷവതികളായ സ്ത്രീകളെ കൊല്ലണമെന്ന ചിന്ത ഉണ്ടായതാണെന്നും ആരെങ്കിലും സ്വസ്ഥമായി ഇരിക്കുന്നത് കണ്ടാല്‍ അവരെ കൊല്ലാന്‍ തോന്നുമെന്നും യുവാവ് പൊലീസിനോട് പറഞ്ഞു.സംഭവത്തില്‍ പരിക്കേറ്റ ഒരു വിദ്യാര്‍ത്ഥിനി ഗുരുതരാവസ്ഥയിലാണ്. ബാക്കിയുള്ളവരുടെ പരിക്ക് സാരമുള്ളതല്ലെന്ന് ഡോക്ടര്‍മാര്‍ അറിയിച്ചു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
