ഇന്ത്യാ-പാക് മത്സരം കഴിഞ്ഞ് ദിവസമൊന്ന് പിന്നിട്ടെങ്കിലും അതിന്റെ അലയൊലികള് ഇതുവരെ അവസാനിച്ചിട്ടില്ല. ഇപ്പോഴിതാ, കോഹ് ലിക്ക് മുന്നില് കൈകള് കൂപ്പി ക്രീസില് നില്ക്കുന്ന പാക് പേസര് ഇമാദ് വസീമിന്റെ വീഡിയോയാണ് പുറത്തു വരുന്നത്.
കോഹ് ലി റണ് പൂര്ത്തിയാക്കുന്നതിന് ഇടയില് കോഹ് ലിക്ക് നേരെ നോക്കി കൈകള് കൂപ്പുകയാണ് പാക് പേസര്. ഞങ്ങളെ വെറുതെ വിടൂ എന്ന മുഖഭാവത്തിലാണ് ഇമാദിന്റെ നില്പ്പ്. പാകിസ്ഥാനെതിരെ ഓള്ഡ് ട്രഫോര്ഡില് രോഹിത്തിനൊപ്പം ചേര്ന്ന് 98 റണ്സിന്റെ നിര്ണായക കൂട്ടുകെട്ട് തീര്ത്താണ് കോഹ് ലി 65 പന്തില് നിന്ന് 77 റണ്സ് അടിച്ചെടുത്തത്.
യഥാര്ഥത്തില് ഇമാദിന്റെ ഈ പ്രതികരണത്തിന് പിന്നിലെ കാരണം എന്തെന്ന് വ്യക്തമല്ല. എങ്കിലും കോഹ് ലി അവര്ക്ക് എത്രമാത്രം തലവേദന തീര്ക്കുന്നു എന്ന് ഇതില് നിന്ന് വ്യക്തമാകുന്നുവെന്നാണ് കോഹ് ലി ആരാധകര് പറയുന്നത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ