അഫ്ഗാനിസ്ഥാനെതിരെ കോഹ് ലിയുടെ നായകത്വത്തെ സാക്ഷാല്‍ സച്ചിന്‍ ടെണ്ടുല്‍ക്കര്‍ വരെ പ്രശംസിച്ചു കഴിഞ്ഞു. അട്ടിമറി തോല്‍വി മുന്നില്‍ വന്നിട്ടും പതറാതെ നിന്ന കോഹ് ലിയെ പ്രശംസിക്കുകയാണ് എല്ലാവരും. എന്നാല്‍, അതിന് ഇടയില്‍ അമ്പയര്‍ക്ക് മുന്നില്‍ കൈകൂപ്പി നില്‍ക്കുന്ന കോഹ് ലിയുടെ ഫോട്ടോ ട്രോളര്‍മാര്‍ കൈകാര്യം ചെയ്ത് തുടങ്ങി.
അഫ്ഗാന്‍ ഇന്നിങ്‌സിന്റെ മൂന്നാം ഓവറില്‍ വേണ്ടതെല്ലാം ഓപ്പണര്‍ ഹസ്‌റത്തുള്ളയ്‌ക്കെതിരെ കോഹ് ലി ഡിആര്‍എസ് അപ്പീല്‍ നല്‍കി. മുഹമ്മദ് ഷമിയുടെ ഡെലിവറിയിലായിരുന്നു അത്. റിപ്ലേകളില്‍ ലൈനിന് പുറത്താണ് പന്ത് കുത്തിയതെന്ന് വ്യക്തമായി. തേര്‍ഡ് അമ്പയറും നോട്ടൗട്ട് വിധിച്ചു. പക്ഷേ കോഹ് ലി ഇതില്‍ തൃപ്തനായില്ല.
അമ്പയറുടെ പക്കലേക്ക് പോയ കോഹ് ലി കൈകൂപ്പിയ കൈകളുമായി നിന്ന് വാദിച്ചു. കോഹ് ലിയുടെ ഈ നിമിഷത്തിലെ ഫോട്ടോയെടുത്താണ് ആരാധകരിപ്പോള്‍ ട്രോളുമായി വരുന്നത്. കളിയിലേക്ക് വരുമ്പോള്‍ അഫ്ഗാനിസ്ഥാനെതിരായ 11 റണ്‍സ് ജയത്തോടെ പോയിന്റ് ടേബിളില്‍ ഇന്ത്യ മൂന്നാമതേക്ക് എത്തി.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
