സ്ത്രീകളും പുരുഷന്മാരും ഒരുപോലെ നേരിടുന്ന പ്രശ്നമാണ് താരനും മുടികൊഴിച്ചിലും. എന്നാൽ ഇതിനുള്ള പരിഹാരം നിങ്ങളുടെ അടുക്കളയിൽ തന്നെയുണ്ട്.
• മുടിയുടെ വളർച്ചയ്ക്ക് സൾഫർ വളരെ പ്രധാനപ്പെട്ട ഘടകമാണ്. ഉള്ളിയാകട്ടെ സൾഫറിന്റെ കലവറയും. അഞ്ചോ ആറോ ഉള്ളിയെടുത്ത് തൊലികളഞ്ഞ ശേഷം ബ്ലെൻഡ് ചെയ്തെടുക്കാം. ഇതിൽ നിന്ന് ഒരു തുണിയോ അരിപ്പയോ ഉപയോഗിച്ച് നീര് വേർതിരിക്കാം. ഈ നീര് തലയോട്ടിയിൽ പുരട്ടി മസാജ് ചെയ്തശേഷം 15 മിനിറ്റ് കഴിഞ്ഞ് കഴുകിക്കളയാം.
• ഉള്ളി നീരും വെളിച്ചെണ്ണയും കൂടി യോജിപ്പിച്ച് തലയോട്ടിയിലും മുടിയുടെ അറ്റത്തും പുരട്ടാം. ഇതിനുശേഷം മുടി തുണികൊണ്ട് പൊതിയാം. ഒരു രാത്രി ഇങ്ങനെ വച്ചതിനുശേഷം പിറ്റേന്ന് കഴുകിക്കളയാം. ഒരു സ്പൂൺ തേൻ ചേർത്താൽ ഉള്ളിയുടെ മണം ഒഴിവാക്കാം.
• മൂന്നോ നാലോ ഉള്ളിയും ചെമ്പരത്തിയും ചേർത്ത് നന്നായി അരച്ചെടുത്തശേഷം ഈ മിശ്രിതം തലയോട്ടിയിൽ പുരട്ടാം. 15 മിനിറ്റ് കഴിഞ്ഞ് കഴുകിക്കളയാം. ഈ നീര് കാച്ചിയ വെളിച്ചെണ്ണയ്ക്കൊപ്പവും തലയിൽ പുരട്ടാം.
• കറ്റാർവാഴയുടെ നീരും ഉള്ളിനീരും തുല്യ അളവിൽ എടുത്ത് തലയോട്ടിയിലും മുടിയിലും പുരട്ടി 15 മിനിറ്റിനുശേഷം കഴുകിക്കളയാം. കറ്റാർവാഴ നീരില്ലെങ്കിൽ ജെൽ ഉപയോഗിക്കാം.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ