കേരളത്തിലെ സർക്കാർ, സ്വാശ്രയ മെഡിക്കൽ കോളജുകളിൽ ക്ലിനിക്കൽ ക്ലർക്ക്ഷിപ്പും ഇന്റേൺഷിപ്പും പൂർത്തിയാക്കുന്നതിനായി വിദേശ മെഡിക്കൽ ബിരുദധാരികളിൽ നിന്ന് അപേക്ഷ ക്ഷണിച്ചു. സംസ്ഥാന സർക്കാർ പുറപ്പെടുവിച്ച മാർഗനിർദേശങ്ങൾക്കും നാഷണൽ മെഡിക്കൽ കമ്മിഷന്റെ (NMC) മാനദണ്ഡങ്ങൾക്കും അനുസരിച്ചാണ് നടപടികൾ.

കരിയർ വാർത്തകൾ ഉടൻ അറിയാൻ വാട്സാപ്പ് ഗ്രൂപ്പിൽ അംഗമാകൂ. ഇവിടെ ക്ലിക്ക് ചെയ്യുക https://chat.whatsapp.com/GQ0abkJF05lAfNnGmbVxsA

വിദേശ മെഡിക്കൽ ബിരുദധാരികൾ തങ്ങളുടെ വിശദാംശങ്ങൾ നിർദിഷ്ട ഗൂഗിൾ ഫോമിലൂടെ 2026 നവംബർ 1 വൈകിട്ട് 5 മണിക്കകം സമർപ്പിക്കണം. സർക്കാർ, സ്വാശ്രയ മെഡിക്കൽ കോളേജുകളിലെ ക്ലിനിക്കൽ ക്ലർക്ക്ഷിപ്പ്, ഇന്റേൺഷിപ്പ് എന്നിവയ്ക്കുള്ള അപേക്ഷകൾ പരിഗണിക്കുന്നതിനാണ് വിവരങ്ങൾ ശേഖരിക്കുന്നത്.

ശ്രദ്ധിക്കേണ്ട കാര്യങ്ങൾ

• ഇതിനകം മെഡിക്കൽ കോളജുകളിൽ ക്ലിനിക്കൽ ക്ലർക്ക്ഷിപ്പ് ആരംഭിച്ചവർ വീണ്ടും അപേക്ഷിക്കേണ്ടതില്ല.

• അപേക്ഷയിൽ ആവശ്യപ്പെടുന്ന വിവരങ്ങൾ കൃത്യമായി പൂരിപ്പിക്കണം.

• ഒന്നിലധികം അപേക്ഷകൾ അനുവദിക്കില്ല.

• കോളജ് അലോട്ട്മെന്റുമായി ബന്ധപ്പെട്ട് തെറ്റായ തിരഞ്ഞെടുപ്പ് മൂലമുണ്ടാകുന്ന വീഴ്ചകൾക്ക് ഓഫീസ് ഉത്തരവാദിയായിരിക്കില്ല.

• അപേക്ഷ സമർപ്പിക്കുന്നതിനുള്ള സമയപരിധി കർശനമായി പാലിക്കണം.

അപേക്ഷിക്കേണ്ട വിധം

താൽപര്യമുള്ളവർ താഴെ നൽകിയിരിക്കുന്ന ലിങ്കിലൂടെ ഗൂഗിൾ ഫോം പൂരിപ്പിച്ച് ആവശ്യമായ വിവരങ്ങൾ സമർപ്പിക്കണം.

അപേക്ഷാ ലിങ്ക്: https://docs.google.com/forms/d/e/1FAIpQLScb49wG-JByamr4hY7slrzlDvvVw4UKmXk06f7zGWY5jb4gmA/viewform