കേരള സർക്കാർ സ്ഥാപനമായ സി-ഡിറ്റ് (C-DIT) സൈബർ സെക്യൂരിറ്റി ട്രെയിനി തസ്തികയിലേക്ക് അപേക്ഷ ക്ഷണിച്ചു. ഫംഗ്ഷണാലിറ്റി ആൻഡ് സെക്യൂരിറ്റി ഓഡിറ്റ് ഡിപ്പാർട്ട്മെന്റിന്റെ (FSAD) പദ്ധതിയുടെ ഭാഗമായാണ് നിയമനം. 3 ഒഴിവുകളാണ് ഉള്ളത്. അപേക്ഷകൾ സമർപ്പിക്കേണ്ട അവസാന തീയതി സെപ്റ്റംബർ 24.
B.Tech/BE, M.Tech, MCA, M.Sc (CS/IT/Information Systems/Electronics), BCA യോഗ്യതയുള്ളവർക്ക് അപേക്ഷിക്കാം.
പരമാവധി പ്രായപരിധി 30 വയസാണ്.
ഫ്രഷേഴ്സിനും അപേക്ഷിക്കാം.
സൈബർ സെക്യൂരിറ്റിയുമായി ബന്ധപ്പെട്ട സർട്ടിഫിക്കേഷൻ ഉള്ളവർക്ക് മുൻഗണന ലഭിക്കാം.
CompTIA Security+, CEH, CISA, CISSP, OSCP, ISO/IEC 27001 Lead Auditor തുടങ്ങിയ സർട്ടിഫിക്കേഷനുകൾ അഭികാമ്യമാണ്.
പ്രതിമാസ സ്റ്റൈപ്പൻഡ്: 25,000 മുതൽ 40,000 രൂപ വരെ ലഭിക്കും.
കാലയളവും ജോലി സ്ഥലവും: ഒരു വർഷത്തെ ഫുൾ-ടൈം പരിശീലന കാലാവധി ആയിരിക്കും. തിരുവനന്തപുരം അല്ലെങ്കിൽ കേരളത്തിലെ ഏത് പ്രോജക്ട് സൈറ്റിലും നിയമനം ലഭിക്കാം.
തിരഞ്ഞെടുപ്പ് രീതി: എഴുത്തുപരീക്ഷ, സ്കിൽ ടെസ്റ്റ്, ഇൻ്റർവ്യൂ എന്നിവയുടെ അടിസ്ഥാനത്തിലായിരിക്കും തിരഞ്ഞെടുപ്പ്.
ഓൺലൈൻ അപേക്ഷകൾ www.careers.cdit.org എന്ന വെബ്സൈറ്റ് വഴി മാത്രമാണ് സമർപ്പിക്കേണ്ടത്.
അപേക്ഷയോടൊപ്പം ആവശ്യമായ സപ്പോർട്ടിങ് ഡോക്യുമെന്റുകളുടെ സ്കാൻ ചെയ്ത പകർപ്പുകൾ അപ്ലോഡ് ചെയ്യണം. രേഖകൾ അപേക്ഷയുടെ അവസാന തീയതിയിൽ സാധുവായിരിക്കണം.
ആദ്യം ഓൺലൈൻ രജിസ്ട്രേഷൻ പൂർത്തിയാക്കി ആവശ്യമായ രേഖകൾ അപ്ലോഡ് ചെയ്യണം. വിവരങ്ങൾ പരിശോധിച്ച ശേഷം അപേക്ഷ ഫൈനൽ സബ്മിറ്റ് ചെയ്യണം.
ഷോർട്ട്ലിസ്റ്റ് ചെയ്യുന്ന ഉദ്യോഗാർഥികളുടെ പട്ടിക www.cdit.org, www.careers.cdit.org എന്നീ വെബ്സൈറ്റുകളിൽ പ്രസിദ്ധീകരിക്കും.
ഷോർട്ട്ലിസ്റ്റ് ചെയ്യുന്ന ഉദ്യോഗാർഥികളെ മാത്രമാണ് എഴുത്തുപരീക്ഷ, സ്കിൽ ടെസ്റ്റ്, ഇന്റർവ്യൂ എന്നിവയ്ക്ക് പരിഗണിക്കുക.
സി-ഡിറ്റ് തീരുമാനിക്കുന്ന രീതിയനുസരിച്ച് എഴുത്തുപരീക്ഷ/സ്കിൽ ടെസ്റ്റിന്റെ പ്രാഥമിക മൂല്യനിർണയത്തിന്റെ അടിസ്ഥാനത്തിൽ ഗ്രൂപ്പ് ഡിസ്കഷൻ/ഇന്റർവ്യൂവിനായി ഉദ്യോഗാർഥികളെ ഷോർട്ട്ലിസ്റ്റ് ചെയ്യും.
ഷോർട്ട്ലിസ്റ്റ് ചെയ്തവരുടെ പ്രൊവിഷണൽ ലിസ്റ്റ് www.careers.cdit.org ൽ പ്രസിദ്ധീകരിക്കും.
വിശദമായ മൂല്യനിർണയത്തിന്റെയും ഇന്റർവ്യൂവിന്റെയും അടിസ്ഥാനത്തിൽ ഫൈനൽ റാങ്ക് ലിസ്റ്റ് പ്രസിദ്ധീകരിക്കും.
കൂടുതൽ വിവരങ്ങൾക്ക് വിജ്ഞാപനം സന്ദർശിക്കുക.
Kerala government institution C-DIT has invited applications for 3 Cyber Security Trainee positions under its Functionality and Security Audit Department (FSAD) project.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates