വിനോദസഞ്ചാര വകുപ്പിന്റെ ആഭിമുഖ്യത്തിൽ സംഘടിപ്പിക്കുന്ന സംസ്ഥാനതല ഓണം ടൂറിസം വാരാഘോഷത്തിന്റെ ഭാഗമായി വിവിധ വേദികളിൽ അരങ്ങേറുന്ന കലാപരിപാടികളിൽ പങ്കെടുക്കാൻ കലാകാരന്മാർക്കും കലാ സംഘടനകൾക്കും അപേക്ഷിക്കാം. തിരുവനന്തപുരം ജില്ലയിൽ ഓഗസ്റ്റ് 24 മുതൽ 30 വരെയാണ് ഓണം വാരാഘോഷം സംഘടിപ്പിക്കുന്നത്.

താൽപര്യമുള്ളവർ അപേക്ഷകൾ ജൂലൈ 12 വൈകിട്ട് 5 മണിക്കകം കൺവീനർ, ഓണം ടൂറിസം വാരാഘോഷം–2026, വിനോദസഞ്ചാര വകുപ്പ് ആസ്ഥാന കാര്യാലയം, പാർക്ക് വ്യൂ, തിരുവനന്തപുരം–695033 എന്ന വിലാസത്തിൽ തപാൽ മുഖേനയോ നേരിട്ടോ സമർപ്പിക്കണം.

അപേക്ഷ അയക്കുന്ന കവറിന് മുകളിൽ ‘ഓണം ടൂറിസം വാരാഘോഷം 2026’ എന്ന് വ്യക്തമായി രേഖപ്പെടുത്തണം. അപേക്ഷാ നടപടിക്രമം, യോഗ്യത, ആവശ്യമായ രേഖകൾ എന്നിവ സംബന്ധിച്ച കൂടുതൽ വിവരങ്ങൾ കേരള ടൂറിസത്തിന്റെ ഔദ്യോഗിക വെബ്സൈറ്റായ www.keralatourism.org ൽ ലഭിക്കും. കൂടുതൽ വിവരങ്ങൾക്ക് 0471-2560426 എന്ന ഫോൺ നമ്പറിലും ബന്ധപ്പെടാം.