രാജമൗലിയുടെ ബാഹുബലി ഇന്ത്യക്കാരുടെ സിനിമ ആസ്വാദന രീതിയെ മാത്രമല്ല മാറ്റിക്കുറിച്ചത്. അത്, ആഗോള സിനിമ രംഗം ഇന്ത്യയിലേക്ക് കൂടി നോക്കുന്നതിലേക്കാണ് കാര്യങ്ങള്‍ എത്തിച്ചിരിക്കുന്നത്. ബാഹുബലി ആദ്യ ഭാഗം സ്‌ക്രീനിലെത്തിയപ്പോള്‍ ഇന്ത്യക്കാര്‍ മാത്രമല്ല ലോകത്തുള്ള മറ്റു ആരാധകര്‍ കൂടിയാണ് ഇരു കയ്യും നീട്ടി സ്വീകരിച്ചത്.
എന്നാല്‍ ഇതൊന്നുമല്ല. ലോകത്തിലെ ഏറ്റവും മികച്ച സിനിമ സീരീസുകളില്‍ ഒന്നായ ഗെയിം ഓഫ് ത്രോണ്‍സ് നിര്‍മാതാക്കളാണ് ബാഹുബലി അടിപൊളിയാണെന്നും പറഞ്ഞ് രംഗത്തെത്തിയിരിക്കുന്നത്. ബാഹുബലി എന്ന സിനിമയ്ക്ക് വേണ്ടി നാല് വര്‍ഷം സമര്‍പ്പിച്ച പ്രഭാസിനെ കണ്ട് ഗെയിം ഓഫ് ത്രോണ്‍സ് നിര്‍മാതാക്കള്‍ മൂക്കത്ത് വിരല്‍ വെച്ചുവെന്നാണ് റിപ്പോര്‍ട്ടുകള്‍. ഇന്ത്യയില്‍ ഇങ്ങനെയുള്ള നടന്മാരൊക്കെയുണ്ടോ എന്നാണ് പ്രഭാസിനെ പറ്റി ഇവര്‍ ചോദിക്കുന്നത്.
പ്രഭാസിന്റെ ഇത്രയും മികച്ച അര്‍പ്പണ ബോധത്തിനുള്ള പ്രതിഫലം എന്തായാലും തിരിച്ചുകിട്ടുമെന്നാണ് ഗെയിം ത്രോണ്‍സ് നിര്‍മാതാക്കള്‍ വിലയിരുത്തുന്നത്. ബാഹുബലി സിനിമയില്‍ സംഘട്ടന രംഗങ്ങളുള്‍പ്പെട വിഷ്വല്‍ എഫ്ക്ടസ് ഗെയിം ഓഫ് ത്രോണ്‍സ് ടീമാണ് ഒരുക്കിയിരിക്കുന്നത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
