ചലച്ചിത്രകാരന്റെ ദൃശ്യാവിഷ്കാര സ്വാതന്ത്ര്യത്തിനു മേല് സെന്സര് ബോര്ഡ് കൈവെച്ചതിനു പിറകെ ഭോപ്പാലിലെ മുസ്ലീം നേതാക്കളും ലിപ്സ്റ്റിക് അണ്ടര് മൈ ബുര്ഖയ്ക്ക് എതിരെ രംഗത്തെത്തിയിരിക്കുന്നു. മതപരമായ വൈകാരികതയുടെ പേരില് അലംകൃത ശ്രീവാസ്തവയുടെ ഈ ചിത്രം നിരോധിക്കാന് സെന്ട്രല് ഗവണ്മെന്റിനോട് ആവശ്യപ്പെടുകയാണിവര്.
കടുത്ത സ്ത്രീപക്ഷ സ്വഭാവമുള്ള ഈ ചിത്രത്തില് ലൈംഗിക രംഗങ്ങളുടെയും അധിക്ഷേപ വാക്കുകളുടെയും അതിപ്രസരമുണ്ടെന്നും കൂടാതെ ചില പ്രത്യേക സമുദായങ്ങളെ കരിവാരി തേക്കാന് ശ്രമിക്കുന്നുവെന്നും ചൂണ്ടിക്കാട്ടിയാണ് ചിത്രത്തിന് സെന്സര് ബോര്ഡ് സര്ട്ടിഫിക്കറ്റ് നല്കാതിരുന്നത്.
ഓള് ഇന്ത്യ മുസ്ലീം തെഹ്വാര് കമ്മിറ്റി ചെയര്മാന് ഔഫ് ഷെഹ്മീരി ഖ്ഹുറാം ചിത്രത്തിനെതിരെ നിയമ നടപടിയെടുക്കുമെന്ന് അറിയിച്ചിരിക്കുകയാണിപ്പോള്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ