കൊച്ചി: കേരളത്തെ മുള്‍മുനയില്‍ നിര്‍ത്തിയ നിപ്പ വൈറസിനെ കേന്ദ്രീകരിച്ച് ആഷിഖ് അബു സംവിധാനം ചെയ്യുന്ന വൈറസ് എന്ന ചിത്രത്തിലേക്ക് നടി നടന്‍മാരെ ആവശ്യമുണ്ട്. 20 മുതല്‍ 25 വരെയുള്ള, 45 മുതല്‍ 55 വരെയുള്ള സ്ത്രീകളെയുമാണ് പരിഗണിക്കുന്നത്. 25 മുതല്‍ 35 വരെയുള്ള പുരുഷന്‍മാരെയുമാണ് തേടുന്നത്. ഇക്കാര്യം ചിത്രത്തിലെ പ്രധാന അഭിനേതാവ് റീമ കല്ലിങ്കലാണ് സമൂഹമാധ്യമത്തില്‍ പങ്കുവെച്ചത്.
താത്പര്യമുള്ളവര്‍ catingvirusmovie@gmail.comലേക്ക ബയോഡാറ്റ അയക്കുകയെന്നും റിമ ഫെയ്‌സ്ബുക്കില്‍ കുറിച്ചു. ചിത്രത്തില്‍ റിമ കല്ലിങ്കല്‍ സിസ്റ്റര്‍ ലിനിയായി എത്തുന്നു. വന്‍ താരനിരയാണ് അണിനിരക്കുന്നത്.രേവതി, ആസിഫ് അലി, പാര്‍വതി, റിമ കല്ലിങ്കല്‍, ടൊവിനോ തോമസ്, രമ്യാനമ്പീശന്‍, സൗബിന്‍ ഷാഹിര്‍, ദിലീഷ് പോത്തന്‍, ചെമ്പന്‍ വിനോദ് തുടങ്ങിയവര്‍ ചിത്രത്തില്‍ പ്രധാന വേഷത്തിലെത്തുന്നു. മുഹ്‌സിന്‍ പരാരി, സുഹാസ്, ഷറഫു എന്നിവര്‍ ചേര്‍ന്നാണ് ചിത്രത്തിന്റെ രചന.
ഒപിഎം ബാനറില്‍ നിര്‍മിക്കുന്ന ചിത്രത്തിന്റെ ഛായാഗ്രാഹകന്‍ രാജീവ് രവിയാണ്. സുഷിന്‍ ശ്യാം സംഗീതമൊരുക്കുന്ന ചിത്രത്തിന്റെ എഡിറ്റര്‍ സൈജു ശ്രീധരന്‍. വസ്ത്രാലങ്കാരം സമീറ സനീഷ്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
