നിരവധി നല്ല കഥാപാത്രങ്ങള് ചെയ്ത് തെന്നിന്ത്യന് പ്രേഷകരുടെ ഹൃദയം കീഴടക്കിയ താരമാണ് ജ്യോതിക. നടന് സൂര്യയെ വിവാഹം കഴിച്ചതിന് ശേഷം കുറെ കാലം വിട്ടു നിന്നെങ്കിലും ഇപ്പോള് ചലച്ചിത്രലോകത്തേക്ക് തിരിച്ച് വന്നിരിക്കുകയാണ് താരം. രണ്ടാമത്തെ വരവില് ജ്യോതിക ചെയ്യുന്ന കഥാപാത്രങ്ങളെല്ലാം സ്ത്രീകേന്ദ്രീകൃത വേഷങ്ങളുമാണ്.
വിവാഹത്തിന് ശേഷം കുറച്ച് നാളത്തേക്ക് എടുത്ത ബ്രേക്കില് ജ്യോതികയ്ക്ക് ഒട്ടും കുറ്റബോധമില്ല. കാരണം സൂര്യയുമായുള്ള വിവാഹം ജ്യോതിക ഏറെ സന്തോഷത്തോടെ എടുത്ത തീരുമാനമാണെന്ന് പറയുന്നു. ആദ്യം സൂര്യ ആയിരുന്നു ജ്യോതികയെ വിവാഹം കഴിക്കാന് ആഗ്രഹമുണ്ടെന്ന് അറിയിക്കുന്നത്. ജ്യോതിക പെട്ടെന്ന് തന്നെ സമ്മതം മൂളുകയും വീട്ടുകാരോട് പറഞ്ഞ് വേഗം വിവാഹം നടത്തുകയുമായിരുന്നു. ഒരു തമിഴ് ഓണ്ലൈന് മാധ്യമത്തിന് നല്കിയ അഭിമുഖത്തിലാണ് ജ്യോതിക ആ രഹസ്യം തുറന്നു പറഞ്ഞത്.
തന്റെ ജീവിതത്തിലുണ്ടായ വലിയ സന്തോഷ വിവാഹമാണെന്നും ജ്യോതിക വ്യക്തമാക്കി. 'എനിക്ക് ഷൂട്ടിങ് ഇഷ്ടമല്ല. പത്തു വര്ഷം ഞാനത് ചെയ്തു. എല്ലാ ദിവസം സെറ്റില് പോയി രാവിലെ മുതല് വൈകുന്നേരം വരെ അവിടെ ചെലവഴിച്ചു. അവസാനം എനിക്കു തന്നെ മടുത്തു. താല്പര്യം നഷ്ടപ്പെട്ടു. പണം ഉണ്ടാക്കി.
വിവാഹം വലിയ സന്തോഷമായിരുന്നു. സൂര്യ എന്നോട് വിവാഹാഭ്യര്ത്ഥന നടത്തിയപ്പോള് രണ്ടാമതു ആലോചിക്കാതെ ഞാന് പെട്ടന്നു തന്നെ സമ്മതം മൂളി. വീട്ടുകാര് കൂടി സമ്മതിച്ചപ്പോള് അടുത്ത മാസം തന്നെ വിവാഹം നടത്താന് ഞാന് തയാറാകുകയായിരുന്നു. അധികം ആലോചന ഒന്നും വേണ്ടി വന്നില്ല. അത്രയ്ക്കും സന്തോഷമായിരുന്നു എനിക്ക്'- ജ്യോതിക പറയുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ