ബോളിവുഡ് ആരാധകര്‍ ആഘോഷിക്കുന്ന പ്രണയജോഡികളാണ് ആലിയ ഭട്ടും രണ്‍ബീര്‍ കപൂറും. പ്രണയം പ്രസിദ്ധപ്പെടുത്തിയത് മുതല്‍ ഇരുവരും വാര്‍ത്തകളില്‍ ഇടം നേടിക്കഴിഞ്ഞു. പ്രിയങ്ക ചോപ്ര- നിക് ജോനാസ്, ദീപിക പദുക്കോണ്‍- രണ്‍വീര്‍ സിങ് ജോഡികളുടെ വിവാഹം കഴിഞ്ഞതിന് ശേഷം ആലിയ- രണ്‍ബീര്‍ വാവാഹത്തിന് വേണ്ടി ആരാധകര്‍ കാത്തിരിക്കുകയാണ്.
പക്ഷേ വിവാഹത്തെ കുറിച്ച് രണ്ടുപേരും ഇതുവരെ കൃത്യമായ പ്രതികരണങ്ങളൊന്നും നല്‍കിയിട്ടില്ല. ഇപ്പോള്‍ പ്രണയത്തിലാണെന്ന് താരങ്ങളും വീട്ടുകാരും മനസ് തുറന്നതോടെ അടുത്തതായി വിവാഹത്തെക്കുറിച്ചുള്ള ചര്‍ച്ചകളാണ് ബോളിവുഡില്‍ നിന്ന് ഉയരുന്നത്.
ഇതുമായി ബന്ധപ്പെട്ട് ഏതാനും ആരാധകര്‍ ആലിയയുമായി ട്വിറ്ററില്‍ ചോദ്യോത്തര പരിപാടിയില്‍ ഏര്‍പ്പെട്ടിരുന്നു. വിവാഹം കഴിഞ്ഞ് പ്രിയങ്ക ചോപ്ര തന്റെ പേര് പ്രിയങ്ക ചോപ്ര ജൊനാസ് എന്ന് മാറ്റിയതിന്റെ പശ്ചാത്തലത്തിലാണ് ഒരു ആരാധകന് ആലിയയോട് ആ ചോദ്യം ചോദിച്ചത്. 'ഞങ്ങള്‍ക്ക് ആലിയ കപൂര്‍ എന്ന് വിളിക്കാമോ' എന്നായിരുന്നു ആരാധകന്റെ ചോദ്യം. ഹിമാന്‍ഷു കകാനി എന്ന വ്യക്തിയാണ് ഇത്തരത്തിലൊരു ചോദ്യവുമായി വന്നത്.
ഉടനടി തന്നെ ആലിയയുടെ മറുപടിയും വന്നു.
ഹിമാന്‍ഷു കകാനി എന്ന പേര് മാറ്റി 'താങ്കളെ ഞാന്‍ ഹിമാന്‍ഷു ഭട്ട് എന്ന് വിളിക്കട്ടെ'യെന്നായിരുന്നു ആലിയയുടെ രസകരമായ മറുചോദ്യം. ഇതോടെ ആരാധകന്റെ സംശയവും തീര്‍ന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
