സ്റ്റേജ് പരിപാടിക്കിടെ നേരിടേണ്ടിവന്നമോശം അനുഭവത്തെക്കുറിച്ച് തുറന്ന് പറഞ്ഞ് രംഗത്തെത്തിയിരിക്കുകയാണ് റിയാലിറ്റി ഷോ മത്സരാർഥിയും യുവഗായികയുമായ മേഘ്ല ദാസ്ഗുപ്ത. പശ്ചിമ ബംഗാളിൽ ഒരു സാംസ്കാരികപരിപാടിക്കിടെ ഉണ്ടായ അനുഭവമാണ് ഗായിക തുറന്നുപറഞ്ഞിരിക്കുന്നത്. വെസ്റ്റ് മിഡ്നാപുരിലെ ഡാന്റോൺ പൊലീസ് സ്റ്റേഷൻ സംഘടിപ്പിച്ച പരിപാടിയിൽ പാടിക്കൊണ്ടിരിക്കുമ്പോഴായിരുന്നു സംഭവം.
വേദിയിൽ ഗാനം ആലപിക്കുന്നതിനിടയിൽ പൊലീസുകാർക്കിടയിലേക്ക് മാറിനിൽക്കാൻ തന്നോട് ആവശ്യപ്പെട്ടെന്നും ഈ സമയം തികച്ചും മോശമായ അനുഭവമാണ് തനിക്കുണ്ടായതെന്നും മേഘ്ല പറയുന്നു. ഫാസ്റ്റ് നമ്പർ പാടാനും നൃത്തംചെയ്യാനും പൊലീസുകാർ തന്നോട് ആവശ്യപ്പെട്ടെന്നും അവിടെനിന്നും ജീവനോടെ രക്ഷപെടുമെന്ന് വിചാരിച്ചിരുന്നില്ലെന്നും അവർ പറഞ്ഞു. ഉന്നത പൊലീസ് ഉദ്യോഗസ്ഥരടക്കം പങ്കെടുത്ത പരിപാടിക്കിടെയാണ് തനിക്ക് ഇത്തരത്തിലൊരു അനുഭവമുണ്ടായതെന്നാണ് അവർ വിവരിക്കുന്നത്. തന്റെ ഫേസ്ബുക്ക് അക്കൗണ്ടിൽ ലൈവ് വീഡിയോയിലൂടെയാണ് മേഘ്ല ഇക്കാര്യങ്ങളെല്ലാം വിവരിച്ചത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ