കൊച്ചി; സിനിമ ചിത്രീകരണവേളയില്‍ ഓട്ടോറിക്ഷ അപകടത്തില്‍പ്പെട്ട് ഹരിശ്രീ അശോകന് പരുക്ക്. കാക്കനാട്ടേ ഷൂട്ടിങ് ലൊക്കേഷനില്‍ വെച്ച് ഇന്നലെ രാവിലെയാണ് അപകടമുണ്ടായത്. ഹരിശ്രീ അശോകന് തന്നെ സംവിധാനം ചെയ്യുന്ന ആന്‍ ഇന്റര്‍ നാഷണല്‍ ലോക്കല്‍ സ്‌റ്റോറിയുടെ ചിത്രീകരണത്തിനിടെയായിരുന്നു സംഭവം. പരുക്ക് ഗുരുതരമല്ല.
ഓട്ടോറിക്ഷയില്‍ സഞ്ചരിക്കുന്ന സീന്‍ എടുക്കുന്നതിനിടയില്‍ ഓട്ടോ മറിഞ്ഞാണ് അപകടം ഉണ്ടായത്. ആ സമയത്ത് ബിനു, അസോസിയേറ്റ് ഡയറക്ടര്‍ നിധിന്‍, അസിസ്റ്റന്റ് ക്യാമറമാന്‍ ശ്രീജിത്ത് എന്നിവര്‍ ഓട്ടോയിലുണ്ടായിരുന്നു. എല്ലാവരേയും ഉടന്‍ ആശുപത്രിയില്‍ എത്തിച്ചു. പ്രാഥമിക ചികിത്സയ്ക്ക് ശേഷം വ്യാഴാഴ്ച ഉച്ചയോടെ അവര്‍ ആശുപത്രി വിട്ടു.
രാഹുല്‍ മാധവ്, ധര്‍മ്മജന്‍ ബോള്‍ഗാട്ടി, മനോജ് കെ.ജയന്‍, സുരഭി സന്തോഷ് എന്നിവരാണ് ചിത്രത്തിലെ മറ്റു അഭിനേതാക്കള്‍. ഈ മാസം പത്തിനാണ് ചിത്രത്തിന്റെ ഷൂട്ടിങ്ങ് ആരംഭിച്ചത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
