സിനിമാതാരങ്ങൾക്കിടയിലെ വാഹനഭ്രമവും അവർ വാങ്ങുന്ന പുത്തൻ വാഹനങ്ങൾ എപ്പോഴും വാർത്തകളിൽ നിറയാറുണ്ട്. ഇപ്പോഴിതാ നടി രചനാ നാരയൺകുട്ടി വാങ്ങിയ പുതിയ കാറാണ് ചർച്ചയാകുന്നത്. എംജി മോട്ടറിന്റെ ഇന്റർനെറ്റ് എസ്യുവി ഹെക്ടറാണ് താരം സ്വന്തമാക്കിയിരിക്കുന്നത്. പുത്തൻ വാഹനവിശേഷങ്ങൾ താരം തന്നെയാണ് പങ്കുവച്ചിരിക്കുന്നതും.
അഞ്ച് മാസം ക്ഷമയോടെ കാത്തിരുന്നതിന് പിന്നാലെയാണ് വാഹനം ലഭിച്ചതെന്നും ഇനിയുള്ള തന്റെ യാത്രകളിലേക്ക് വാഹനത്തെ സ്വാഗതം ചെയ്യുന്നെന്നും കുറിച്ചുകൊണ്ടാണ് ഷോറൂമിൽ നിന്ന് പകർത്തിയ വിഡിയോ രചന പങ്കുവച്ചിരിക്കുന്നത്.
ഹെക്ടറിന്റെ വൈൻ റെഡ് നിറമാണ് താരം തിരഞ്ഞെടുത്തത്. ഏകദേശം 12.48 ലക്ഷം മുതൽ പെട്രോൾ എൻജിനുള്ള അടിസ്ഥാന വകഭേദമായ സ്റ്റൈലിന് 12.18 ലക്ഷം മുതൽ 17.28 ലക്ഷം രൂപ വരെയാണ് ഷോറൂം വില.
രാജ്യത്തെ ആദ്യ ഇന്റർനെറ്റ് എസ്യുവി എന്ന പേരിലെത്തിയ ഹെക്ടർ ഏറെ പെട്ടെന്നാണ് വാഹനപ്രേമികൾക്കിടയിൽ സ്ഥാനം കണ്ടെത്തിയത്. കുറഞ്ഞ വിലയും പ്രീമിയം സെഗ്മെന്റുകളിൽ പോലും ഇല്ലാത്ത ഫീച്ചറുകളുമാണ് ഈ സ്വീകാര്യതയ്ക്ക് കാരണം.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ