രജനീകാന്തും നയൻതാരയും കേന്ദ്രകഥാപാത്രങ്ങളാകുന്ന എ ആർ മുരുകദോസ് ചിത്രത്തിൽ അവസരം ചോദിച്ച് ഹോളിവുഡ് നടൻ ബിൽ ഡ്യൂക്ക്. സംവിധായകനെ ട്വീറ്റിൽ മെൻഷൻ ചെയ്താണ് ഡ്യൂക്ക് ആഗ്രഹം പ്രകടിപ്പിച്ചത്. ചിത്രീകരണം പുരോഗമിക്കുന്ന ദർബാറിൽ അഭിനയിക്കാനാണ് താരത്തിന്റെ ആഗ്രഹം.
''ഞാൻ തമിഴ് സംസാരിക്കില്ല. പക്ഷെ ഒരുപാടുനാളായി അമേരിക്കയിൽ താമസിക്കുന്ന രജനീകാന്തിന്റെ ബന്ധുവായോ, നയന്താരയുടെ അമ്മാവനായോ എനിക്ക് അഭിനയിക്കാൻ കഴിയും. ശ്രീകർ പ്രദാസ്, സന്തോഷ് ശിവൻ എന്നിവർക്കെന്നെ ഉൾപ്പെടുത്താൻ കഴിയും. അനിരുദ്ധിന് എല്ലാ താരങ്ങൾക്കുവേണ്ടിയും ഹിറ്റ് ഗാനങ്ങൾ ചിട്ടപ്പെടുത്താൻ സാധിക്കും. നിങ്ങൾ എന്ത് പറയുന്നു?''- ഇതായിരുന്നു ഡ്യൂക്കിന്റെ ട്വീറ്റ്.
ട്വീറ്റ് വളരെ വേഗമാണ് തമിഴ് സിനിമാലോകത്ത് ചർച്ചയായത്. ''സർ, ഇത് നിങ്ങൾ തന്നെയാണോ'' എന്നായിരുന്നു സംവിധായകൻ മുരുകദോസിന്റെ സംശയം. ഇത് തന്റെ യഥാർഥ അക്കൗണ്ടാണെന്നും മുരുകദോസിന്റെ സിനിമകളുടെ ആരാധകനാണെന്നുമാണ് ഇതിന് ഡ്യൂക്ക് നൽകിയ മറുപടി.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ