മലയാളത്തിലൂടെ സിനിമ ലോകത്തേക്ക് എത്തി ബോളിവുഡ് കീഴടക്കിയ നടിയാണ് മാളവിക മോഹന്‍. വിജയ് നായകനാവുന്ന ദളപതി 64 ല്‍ നായികയായി എത്തുകയാണ് മാളവിക. ഇപ്പോള്‍ സോഷ്യല്‍ മീഡിയയില്‍ വൈറലാവുന്നത് മാളവികയുടെ ഗ്ലാമറസ് ഫോട്ടോഷൂട്ടാണ്. ഓഫ് ഷോള്‍ഡര്‍ ഡീപ്പ് നെക്ക് വസ്ത്രത്തില്‍ അതീവ സുന്ദരിയാണ് താരം.
അയേശഡെപാലയാണ് വസ്ത്രം ഒരുക്കിയിരിക്കുന്നത്. ലൈറ്റ് ബ്ലൂ ടോപ്പിനൊപ്പം കണങ്കാല്‍ നീളത്തിലുള്ള ലൂസ് ക്യാഷ്വല്‍ പാന്റ്‌സാണ് പെയര്‍ ചെയ്തിരിക്കുന്നത്. എന്നാല്‍ പോസ്റ്റിന് താഴെ രൂക്ഷ വിമര്‍ശനമാണ് ഉയരുന്നത്. അവസരം കിട്ടാനാണോ ഇത്ര എക്‌സ്‌പോസ് ചെയ്യുന്നത് എന്നാണ് ചിലരുടെ ചോദ്യം. മലയാളികള്‍ അടക്കം നിരവധി പേരാണ് രൂക്ഷ വിമര്‍ശനവുമായി എത്തുന്നത്.
ഇതിന് മുന്‍പ് വസ്ത്രത്തിന്റെ പേരില്‍ മാളവിക സൈബര്‍ ആക്രമണത്തിന് ഇരയായിരുന്നു. ഐഫാ അവാര്‍ഡിലെ വേഷമാണ് ഏറ്റവും വിമര്‍ശനങ്ങള്‍ക്ക് കാരണമായത്. മലയാളി ഛായാഗ്രാഹകന്‍ കെ.യു മോഹനന്റെ മകളാണ് മാളവിക. ദുല്‍ഖര്‍ സല്‍മാന്‍ നായകനായെത്തിയ പട്ടം പോലെ എന്ന ചിത്രത്തിലൂടെയാണ് മാളവിക അഭിനയ രംഗത്തേക്ക് കടക്കുന്നത്. മജീദ് മജീദിയുടെ ബിയോണ്‍ഡ് ദി ക്ലൗഡ്‌സിലൂടെയാണ് ബോളിവുഡിലേക്ക് അരങ്ങേറിയത്. ചിത്രത്തിലെ പ്രകടനത്തിന് താരം പ്രശംസിക്കപ്പെട്ടിരുന്നു. രജനീകാന്ത് ചിത്രം പേട്ടയിലും പ്രധാന വേഷത്തില്‍ എത്തിയിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
