മലയാള സിനിമയിലെ എക്കാലത്തെയും മികച്ച സിബിഐ സീരീസിന്റെ അഞ്ചാം ഭാഗം ഒരുങ്ങുന്നെന്ന വാർത്തകൾ പുറത്തുവന്നിരുന്നു. മമ്മൂട്ടി പ്രധാനവേഷത്തിലെത്തുന്ന ചിത്രത്തിൽ സംവിധായകന് കെ മധു, തിരക്കഥാകൃത്ത് എസ് എന് സ്വാമിയും ഒന്നിക്കുകയാണ്. ചിത്രം ‘ബാസ്ക്കറ്റ് കില്ലിങ്’ എന്ന കഥാതന്തുവാണ് പ്രമേയമാക്കുന്നത്. ദുരൂഹ മരണങ്ങളുടെ ചുരുളഴിക്കാനാണ് ഇക്കുറി സേതുരാമയ്യർ എത്തുന്നത് എന്നാണ് റിപ്പോർട്ടുകൾ.
അടുത്തിടെ കേരളത്തെ നടുക്കിയ കൂടത്തായി കൊലപാതകങ്ങൾ സിനിമയ്ക്ക് പ്രമേയമാകുമെന്നും റിപ്പോർട്ടുകളുണ്ട്. എന്നാൽ ചിത്രത്തിൽ നായികയായി എത്തുന്നത് മലയാളത്തിന്റെ പ്രിയതാരം മഞ്ജുവാര്യർ ആണെന്നാണ് ഏറ്റവും പുതിയ റിപ്പോർട്ട്. ചിത്രത്തില് ജോളി എന്ന കഥാപാത്രമായി മഞ്ജു എത്തിയേക്കാമെന്നും പറയുന്നു. റിപ്പോർട്ടുകൾ ശരിയാണെങ്കിൽ മമ്മൂട്ടിയും മഞ്ജുവുമ ആദ്യമായി ഒന്നിക്കുന്ന ചിത്രമാകും ഇത്.
സ്വര്ഗചിത്ര അപ്പച്ചനാണ് ചിത്രം നിര്മ്മിക്കുന്നത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ