36-ാം ജന്മദിനം ആഘോഷമാക്കുകയാണ് ബോളിവുഡ് നടി കത്രീന കെയിഫ്. മെക്സിക്കോയില് സുഹൃത്തുക്കള്ക്കും ബന്ധുക്കള്ക്കും ഒപ്പമാണ് താരത്തിന്റെ ആഘോഷം. പിറന്നാള് ദിനത്തില് കത്രീന പങ്കുവച്ച് ബീച്ച് ചിത്രമാണ് സമൂഹമാധ്യമങ്ങളില് ഏറെ വൈറലാകുന്നത്.
വെള്ള ബിക്കിനിയിലുള്ള സണ് കിസ്സ്ഡ് ചിത്രമാണ് താരം ഷെയര് ചെയ്തിരിക്കുന്നത്. ബിക്കിനിക്ക് ഒപ്പം തൊങ്ങലുകള് നിറഞ്ഞ ഷ്രഗ്ഗും താരം അണിഞ്ഞിട്ടുണ്ട്. പോസ്റ്റ് ചെയ്ത് രണ്ട് മണിക്കൂറിനുള്ളില് ഒന്പത് ലക്ഷത്തിലധികം പേരാണ് ചിത്രത്തിന് ലൈക്കടിച്ചിരിക്കുന്നത്.
ചിത്രത്തിനടിയില് നിരവധി ആരാധകരും സുഹൃത്തുക്കളും താരത്തിന് ജന്മദിനാശംസകള് കുറിച്ചു. സിനിമ രംഗത്തുള്ളവരും താരത്തിന് ആശംസകള് നേര്ന്നിട്ടുണ്ട്. ഇക്കൂട്ടത്തില് നടന് അര്ജുന് കപൂറിന്റെ കമന്റാണ് ഏറെ ശ്രദ്ധേയമായത്. പിറന്നാള് ആശംസക്ക് പകരം താരത്തെ ട്രോളിക്കൊണ്ടുള്ളതായിരുന്നു അര്ജുന്റെ കമന്റ്. കത്രീന യഥാര്ത്ഥത്തില് മെക്സിക്കോയില് പോയത് ഫോട്ടോഷൂട്ടിനാണെന്നാണ് താരം പറഞ്ഞത്. എന്നാല് കുറച്ച് സമയത്തിന് ശേഷം പിറന്നാള് ആയതിനാല് കത്രീനയെ വെറുതെ വിട്ടേക്കാം എന്ന ഭാവത്തില് ഒരു പിറന്നാള് ആശംസയും അര്ജുന് കുറിച്ചു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ