ബോളിവുഡ് താരം ദീപിക പദുക്കോണിന്റെ സിപ്ലിസിറ്റി മുന്‍പും വാര്‍ത്തയായിട്ടുണ്ട്. ഇപ്പോള്‍ മുംബൈ വിമാനത്താവളത്തില്‍നിന്നുള്ള താരത്തിന്റെ ഒരു വീഡിയോ ആരാധകരുടെ മനസു കീഴടക്കുകയാണ്. ഐഡന്റിറ്റി കാര്‍ഡ് ചോദിച്ച സുരക്ഷാ ഉദ്യോഗസ്ഥന് തിരികെ എത്തി ഐഡി കാര്‍ഡ് നല്‍കുന്ന ദീപിക പദുക്കോണിനെയാണ് വീഡിയോയില്‍ കാണുന്നത്.
അച്ഛന്‍ പ്രകാശ് പദുക്കോണിനൊപ്പമാണ് താരം മുംബൈ വിമാനത്താവളത്തില്‍ എത്തിയത്. പരിശോധനകള്‍ പൂര്‍ത്തിയാക്കി വിമാനത്താവളത്തിലേക്ക് പ്രവേശിക്കാന്‍ തുടങ്ങിയ ദീപികയോട് സുരക്ഷാ ഉദ്യോഗസ്ഥര്‍ ഐഡി കാര്‍ഡ് ആവശ്യപ്പെടുകയായിരുന്നു. ഇത് കേട്ട താരം കാര്‍ഡ് കാണണോ എന്ന് ചോദിച്ചുകൊണ്ട് തിരികെ നടന്നെത്തി ബാഗില്‍ നിന്ന് തിരിച്ചറിയല്‍ കാര്‍ഡ് എടുത്തു സുരക്ഷാ ഉദ്യോഗസ്ഥന് നല്‍കി. അത് പരിശോധിച്ച ശേഷമാണ് താരം വീണ്ടും വിമാനത്താവളത്തിലേക്ക് പ്രവേശിച്ചത്.
വിമനത്താവളത്തിലുണ്ടായിരുന്ന ആരാധകരില്‍ ആരോ ആണ് വീഡിയോ എടുത്ത് സോഷ്യല്‍ മീഡിയയില്‍ പോസ്റ്റ് ചെയ്തത്. സെലിബ്രിറ്റി ജാഡകളില്ലാതെയുള്ള താരത്തിന്റെ പേരുമാറ്റത്തെ പുകഴ്ത്തി നിരവധി പേരാണ് രംഗത്തെത്തുന്നത്. ദീപികയെ പലരും മാതൃകയാക്കണം എന്നാണ് ആരാധകരുടെ പക്ഷം.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
