ഒരു സിനിമയ്ക്ക് വേണ്ടി ഇത്രയധികം കഷ്ടപ്പാട്! പല്ലവിയിലേക്കുള്ള മേക്കോവര്, വിഡിയോ കാണാം
ആസിഡ് ആക്രമണത്തെ അതിജീവിച്ച പല്ലവി രവീന്ദ്രനെന്ന പാർവതിയുടെ കഥാപാത്രത്തെ പ്രേക്ഷകർ ഇരുകൈയ്യും നീട്ടിയാണ് സ്വീകരിച്ചത്. ആസിഡ് ആക്രമണത്തിന് ശേഷമുള്ള കഥാപാത്രത്തിന്റെ മേക്കപ്പ് ഏറെ ചർച്ചയായിരുന്നു. ഇപ്പോഴിതാ മേക്കപ്പിന്റെ വിഡിയോ പുറത്തുവിട്ടിരിക്കുകയാണ് ഉയരെയുടെ അണിയറപ്രവർത്തകർ.
പല്ലവിയാകാനുള്ള പാർവതിയുടെ കഷ്ടപ്പാടുകൾ കണ്ട് താരത്തെ അഭിനന്ദിക്കുകയാണ് ആരാധകർ. മണിക്കൂറുകൾ നീണ്ടുനിന്ന മേക്കപ്പ് സെഷനുകളാണ് ഓരോ ദിവസവും നടന്നത്. ബെംഗളൂരുവിലുള്ള ഡേര്ട്ടി ഹാന്ഡ്സ് സ്റ്റുഡിയോ എന്ന പ്രോസ്തെറ്റിക്സ് മേക്കപ്പ് ടീമാണ് ഇതിനു പിന്നിൽ പ്രവർത്തിച്ചത്.
ദിവസവും നാലുമണിക്കൂറോളം എടുത്താണ് മേക്കപ്പ് ചെയ്തിരുന്നത്. ഒരു വശം പൂർണ്ണമായും ആസിഡ് ആക്രമണത്തിൽ പൊള്ളലേറ്റ മാതൃകയിലേക്ക് മാറ്റുന്ന കാഴ്ച കണ്ട് അമ്പരന്നുള്ള കമന്റുകളാണ് വിഡിയോയ്ക്ക് ലഭിക്കുന്നത്. പാർവതിയുടെ ആത്മാർത്ഥത എടുത്തുപറയേണ്ടതാണെന്നാണ് പ്രേക്ഷകരുടെ വാക്കുകൾ.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ