മോഹന്‍ലാലിന്റെ ശബ്ദത്തില്‍ വണ്ടുമൊരു മലയാള ഗാനം കൂടി പുറത്തിറങ്ങിയിരിക്കുയാണ്. അനുഗ്രഹീത കലാകാരി വൈക്കം വിജയലക്ഷ്മിക്കൊപ്പമാണ് മോഹന്‍ലാല്‍ പാടിയിരിക്കുന്നത്. 'ഇട്ടിമാണി മെയ്ഡ് ഇന്‍ ചൈന' എന്ന ചിത്രത്തിലെ കണ്ടോ കണ്ടോ എന്ന ഗാനത്തിന്റെ റെക്കോര്‍ഡിംഗ് വീഡിയോ ആണ് അണിയറപ്രവര്‍ത്തകര്‍ പുറത്തുവിട്ടത്.
സന്തോഷ് വര്‍മ്മയുടെ വരികള്‍ക്ക് ദീപക് ദേവ് ആണ് സംഗീതം പകര്‍ന്നിരിക്കുന്നത്. പാട്ട് കേട്ടതിന് ശേഷം ദീപക് ദേവ്-മോഹന്‍ലാല്‍-വൈക്കം വിജയലക്ഷ്മി കോമ്പോയെ പുകഴ്ത്തുകയാണ് ആരാധകര്‍. ഇവര്‍ തമ്മിലുള്ള കെമിസ്ട്രി പുറത്തുവിട്ടിരിക്കുന്ന വീഡിയോയിലും പ്രകടമാണ്. പാട്ട് പാടി കഴിഞ്ഞയുടനെ മോഹന്‍ലാല്‍ വിജയലക്ഷ്മിയോട് ഉഗ്രന്‍ എന്ന് പറഞ്ഞ് അഭിനന്ദിക്കുന്നതായും വീഡിയോയില്‍ ഉണ്ട്.
കമല്‍ സംവിധാനം ചെയ്ത സെല്ലുലോയ്ഡിലൂടെ മലയാള സിനിമാസംഗീതലോകത്തേക്കെത്തിയ ആരാധകരേറെയുള്ള വിജയലക്ഷ്മി ഒരു ഇടവേളയ്ക്കു ശേഷം പാടുന്ന ഗാനമാണിത്. ഒടിയനു ശേഷം മോഹന്‍ലാല്‍ പിന്നണി ഗായകനാകുന്ന ചിത്രം കൂടിയാണ് ഇട്ടിമാണി മെയ്ഡ് ഇന്‍ ചൈന.
ആശിര്‍വാദ് സിനിമാസിന്റെ ബാനറില്‍ ആന്റണി പെരുമ്പാവൂരാണ് ചിത്രം നിര്‍മിക്കുന്നത്. ഹണി റോസ്, രാധിക ശരത്കുമാര്‍, ധര്‍മജന്‍ ബോള്‍ഗാട്ടി, ഹരീഷ് കണാരന്‍, സിദ്ദിഖ് തുടങ്ങിയവരാണ് ചിത്രത്തിലെ മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
