മലയാള സിനിമയിലെ മാതൃക ദമ്പതിമാരാണ് നടൻ കുഞ്ചാക്കോ ബോബനും ഭാര്യ പ്രിയയും. നീണ്ട കാത്തിരിപ്പിനൊടുവിൽ ഇസ കൂടി ഇവർക്ക് കൂട്ടായി എത്തിയതോടെ ജീവിതം കൂടുതൽ കളർഫുള്ളായി. തങ്ങളുടെ ജീവിതത്തിന്റെ ഓരോ നിമിഷവും ആഘോഷമാക്കുകയാണ് താരദമ്പതികൾ. പ്രിയയുടെ പിറന്നാളാണ് ഇവരുടെ പുതിയ സന്തോഷം. മനോഹരമായ കുറിപ്പിനൊപ്പം ഭാര്യയ്ക്ക് പിറന്നാൾ ആശംസകൾ നേരുകയാണ് താരം.
'ഇതാണ് നിന്റെ ജീവിതത്തിലെ ഏറ്റവും മികച്ച ജന്മദിനം.. ഇന്ന് നിനക്കു കിട്ടാവുന്നതില് വച്ച് ഏറ്റവും നല്ല സമ്മാനമാണ് നിന്റെ കൈകളിലിരിക്കുന്നത്. ഇസഹാക്ക്.. നീയെന്റെ ബെറ്റര് ഹാഫ് അല്ല, ബെസ്റ്റ് ഹാഫ് ആണ്. സന്തോഷം നിറഞ്ഞ ജന്മദിനവും ചുംബനങ്ങളും..- ചാക്കോച്ചൻ സോഷ്യൽ മീഡിയയിൽ കുറിച്ചു. മനോഹരമായൊരു ഫാമിലി കേക്കിന്റെ ചിത്രവും താരം പങ്കുവെച്ചിട്ടുണ്ട്.
ലോക്ക്ഡൗണിന് ഇടയിൽ തന്നെയായിരുന്നു ദമ്പതികളുടെ 15ാം വിവാഹ വാർഷികം. സ്വന്തം കൈകൊണ്ടുണ്ടാക്കിയ കേക്കാണ് അന്ന് ചാക്കോച്ചൻ പ്രിയയ്ക്ക് സമ്മാനിച്ചത്. ഇസഹാക്കിന്റെ ഒന്നാം പിറന്നാളും വരാനിരിക്കുകയാണ്. ഏപ്രിൽ 16 നാണ് കുഞ്ഞ് ഇസയുടെ പിറന്നാൾ.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ